નવી દિલ્‍હી, તા.૨૧: દિલ્‍હી ચૂંટણી માટે આમ આદમી પાર્ટીએ ૧૧ ઉમેદવારોની પ્રથમ યાદી જાહેર કરી છે. આ યાદીમાં એવા ૬ ઉમેદવારોના નામ છે, જેઓ તાજેતરમાં કોંગ્રેસ અથવા ભાજપ છોડીને AAPમાં જોડાયા છે.

તમને જણાવી દઈએ કે જે છ નેતાઓ અન્‍ય પાર્ટીઓમાંથી AAPમાં સામેલ થયા હતા અને ટિકિટ મેળવી હતી, તેમને અરવિંદ કેજરીવાલે પોતે પાર્ટીમાં સામેલ કર્યા હતા. જેમાં ભાજપમાંથી ધારાસભ્‍ય રહી ચૂકેલા બે નેતાઓનો પણ સમાવેશ થાય છે.

ટિકિટ કોને અને કયાંથી?

૧. બ્રહ્મ સિંહ તંવર છતરપુરથી ચૂંટણી લડશે.

જ્જ તમને જણાવી દઈએ કે ભારતીય જનતા પાર્ટીના વરિષ્ઠ નેતા અને ત્રણ વખત ધારાસભ્‍ય રહી ચૂકેલા બ્રહ્મ સિંહ તંવર તાજેતરમાં ૩૧ ઓક્‍ટોબરે AAPમાં જોડાયા હતા. તંવર દિવાળીના દિવસે જ દિલ્‍હીના પૂર્વ સીએમ અને એપીપી ચીફ અરવિંદ કેજરીવાલની હાજરીમાં AAPમાં જોડાયા હતા.

૨. અનિલ ઝા કિરારીથી AAPના ઉમેદવાર હશે.

જ્જ ૧૭ નવેમ્‍બરના રોજ ભાજપના દિગ્‍ગજ નેતા અને કિરારીના બે વખત ધારાસભ્‍ય રહી ચૂકેલા અનિલ ઝાએ AAPનું સભ્‍યપદ લીધું હતું. આ દરમિયાન અરવિંદ કેજરીવાલે અનિલ ઝાને પૂર્વાંચલના સૌથી મોટા નેતા ગણાવતા તેમનું પાર્ટીમાં સ્‍વાગત કર્યું હતું.

૩. દીપક સિંઘલા વિશ્વાસ નગરથી ચૂંટણી લડશે.

૪. સરિતા સિંહ રોહતાસ નગરથી AAP ઉમેદવાર હશે.

૫. BB ત્‍યાગી લક્ષ્મી નગરથી AAPના ઉમેદવાર હશે.

૬. રામ સિંહ (નેતાજી) બાદરપુરથી ઉમેદવાર હશે.

૭. ઝુબેર ચૌધરી સીલમપુરથી AAPના ઉમેદવાર હશે.

જ્જ માત્ર ભાજપ જ નહીં, કોંગ્રેસમાંથી AAPમાં આવેલા નેતાઓને પણ ટિકિટ મળી છે. ૫ વખતના કોંગ્રેસના ધારાસભ્‍ય મતિન અહેમદના પુત્ર ચૌધરી ઝુબેર અહેમદ ૨૯ ઓક્‍ટોબરે તેમની પત્‍ની અને કોંગ્રેસ કાઉન્‍સિલર શગુફ્‌તા ચૌધરી સાથે આમ આદમી પાર્ટીમાં જોડાયા હતા.

૮. વીર સિંહ ધીંગાન સીમાપુરીથી ચૂંટણી લડશે.

જ્જ કોંગ્રેસના પૂર્વ નેતા વીર સિંહ ધીંગાન ૧૫ નવેમ્‍બરે AAPમાં જોડાયા હતા. ધીંગાન ત્રણ વખત સીમાપુરીથી ધારાસભ્‍ય રહી ચૂકયા છે. તેમણે કોંગ્રેસની ટિકિટ પર ૨૦૨૦ની વિધાનસભા ચૂંટણી લડી હતી.

૯. ગૌરવ શર્મા ઘોંડાથી ચૂંટણી લડશે.

૧૦. મનોજ ત્‍યાગી કરવલ નગરથી AAPના ઉમેદવાર હશે.

૧૧. સુમેશ શૌકીન મટિયાલાથી AAPના ઉમેદવાર હશે.

જ્જ દિલ્‍હી ચૂંટણી પહેલા મટિયાલા વિધાનસભાના કોંગ્રેસના પૂર્વ ધારાસભ્‍ય સુમેશ શૌકીન કોંગ્રેસ છોડીને આમ આદમી પાર્ટી (AAP)માં જોડાયા હતા. તેણે તાજેતરમાં ૧૮ નવેમ્‍બરે AAPનું સભ્‍યપદ લીધું હતું.