૬૮ મહાનુભાવોએ મોદીને પત્ર લખીને ચિન્મય કૃષ્ણ દાસને છોડાવવાની માગણી કરી
બંગલાદેશમાં ઇસ્કોનના સાધુ ચિન્મય કળષ્ણ દાસની ધરપકડનો વિરોધ કરવા ગઈકાલે કલકત્તામાં ઇસ્કૉનના સાધુઓ દ્વારા કીર્તન યોજાયું હતું
નવી દિલ્હી, તા.૨૯: બંગલાદેશમાં હિન્દુઓ પર થઈ રહેલા અત્યાચારોથી ભારતના હિન્દુઓમાં ભારે રોષ વ્યાપ્યો છે અને તેથી આશરે ૬૮ જેટલા રિટાયર્ડ જજો, અમલદારો અને એક વર્તમાન સંસદસભ્યએ બુધવારે વડા પ્રધાન મોદીને પત્ર લખ્યો છે અને બંગલાદેશમાં હિન્દુઓની સુરક્ષા કરવા અને ઇસ્કૉનના પકડવામાં આવેલા સાધુને છોડાવવાની માગણી કરી છે.
આ સંદર્ભમાં મળતી જાણકારી જણાવે છે કે ૨૭ નવેમ્બરે લખવામાં આવેલા પત્રમાં વડા પ્રધાન મોદી સમક્ષ માગણી કરવામાં આવી છે કે તેઓ બંગલાદેશના ચિત્તાગૉન્ગમાં દેશદ્રોહના આરોપમાં પકડવામાં આવેલા ઇસ્કૉનના સાધુ ચિન્મય કળષ્ણ દાસ બ્રહ્મચારી અને અન્ય ધાર્મિક નેતાઓને તાત્કાલિક છોડી મુકાવવા માટે બંગલાદેશ સરકારને આગ્રહ કરે અને બંગલાદેશમાં હિન્દુઓની સુરક્ષા માટે તાત્કાલિક પગલાં ઉઠાવે.
પત્રમાં લખવામાં આવ્યું છે કે ‘ચિન્મય કળષ્ણ દાસ તથા અન્ય ધાર્મિક નેતાઓને તાત્કાલિક છોડી મૂકવા આવશ્યક છે, કારણ કે તેમને અન્યાયપૂર્ણ રીતે પકડવામાં આવ્યા છે. તેમની સામે મૂકવામાં આવેલા આરોપોને પણ પડતા મૂકવામાં આવે. તેમને શાંતિપૂર્વક વિરોધ કરવા તથા તેમની ચિંતા પ્રત્યે સરકારનું ધ્યાન દોરવા માટે તેમના અધિકારોનું રક્ષણ કરવામાં આવે.'
બંગલાદેશની હાઈકોર્ટે ગઈકાલે દેશમાં ઇસ્કૉનની પ્રવળત્તિઓ પર સુઓ મોટો પ્રતિબંધ મૂકવાનો આદેશ પસાર કરવાનો ઇનકાર કરી દીધો હતો. કોર્ટને જણાવવામાં આવ્યું હતું કે દેશની સરકારે આ સંદર્ભમાં જરૂરી પગલાં લીધાં છે. સુપ્રીમ કોર્ટના વકીલ મોહમ્મદ મોનીર ઉદ્દીને બુધવારે ઇસ્કૉનના સંદર્ભમાં કેટલાંક ન્યુઝપેપરોના રિપોર્ટ કોર્ટ સમક્ષ રજૂ કર્યા હતા અને માગણી કરી હતી કે ઇસ્કૉનની પ્રવળત્તિઓ પર સુઓ મોટો પ્રતિબંધ મૂકી દેવામાં આવે. જોકે કોર્ટે ઍટર્ની જનરલને ઇસ્કૉનની તાજેતરની પ્રવળત્તિઓ વિશે સરકાર દ્વારા લેવામાં આવેલાં પગલાંની જાણકારી આપવા જણાવ્યું છે.
(10:17 AM IST)
છેલ્લા 8 દિવસમાં સૌથી લોકપ્રિય 
