મુંબઈ: ઉત્તર ભારતમાં આ દિવસોમાં કાતિલ ઠંડી પડી રહી છે. દરમિયાન મુંબઈમાં પણ ઠંડીની અસર જોવા મળી રહી છે. મુંબઈમાં શુક્રવારે છેલ્લા 8 વર્ષમાં સૌથી ઠંડો દિવસ નોંધાયો હતો. ભારતીય હવામાન વિભાગ (IMD) અનુસાર, શહેરમાં લઘુત્તમ તાપમાન 16.5 ડિગ્રી સેલ્સિયસ હતું. સાંતાક્રુઝ સ્થિત વેધર ઓબ્ઝર્વેટરી, જે મુંબઈના ઉપનગરોમાં હવામાનની નોંધ લે છે, તેણે ગુરુવારની રાતથી શુક્રવાર સવાર સુધી આ તાપમાન નોંધ્યું હતું. બીજી તરફ, મુંબઈના ટાપુ પ્રદેશનું તાપમાન માપતી કોલાબા વેધશાળામાં લઘુત્તમ તાપમાન 21.4 ડિગ્રી સેલ્સિયસ નોંધાયું હતું.

    IMD મુંબઈના વૈજ્ઞાનિક સુષ્મા નાયરના જણાવ્યા અનુસાર, અગાઉ 11 નવેમ્બર 2016ના રોજ મુંબઈમાં 16.3 ડિગ્રી સેલ્સિયસ સાથે સૌથી ઠંડો દિવસ નોંધાયો હતો. રસપ્રદ વાત એ છે કે છેલ્લા ચાર દિવસમાં આ બીજી વખત છે જ્યારે મુંબઈએ 8 વર્ષનો રેકોર્ડ તોડ્યો છે. 

    26 નવેમ્બર 2024ના રોજ: લઘુત્તમ તાપમાન 16.8 ડિગ્રી સેલ્સિયસ નોંધાયું હતું. તે દિવસે કોલાબામાં લઘુત્તમ તાપમાન 22.5 ડિગ્રી સેલ્સિયસ હતું. 

   IMD મુંબઈના વૈજ્ઞાનિક સુષ્મા નાયરે જણાવ્યું હતું કે 30 નવેમ્બરથી 3 ડિસેમ્બર સુધી ઠંડીની અસર વધુ જોવા મળશે નહીં અને તાપમાનમાં વધારો થશે. છેલ્લા ચાર દિવસમાં આ બીજી વખત છે જ્યારે મુંબઈએ આઠ વર્ષનો રેકોર્ડ તોડ્યો છે.

    આવી ઠંડીનું વાતાવરણ મુંબઈમાં ભાગ્યે જ જોવા મળે છે. નિષ્ણાતો કહે છે કે ઠંડા પવનોને કારણે તાપમાનમાં ઘટાડો થયો છે, પરંતુ બંગાળની ખાડીમાં દબાણને કારણે આ ઠંડી વધુ સમય ટકવાની નથી 

   IMD મુંબઈના ડિરેક્ટર સુનીલ કાંબલેએ જણાવ્યું હતું કે 3 ડિસેમ્બર પછી ટાપુ શહેરમાં તાપમાનમાં વધારો બંગાળની ખાડી પર રચાયેલી સિસ્ટમને કારણે થવાની સંભાવના છે.