આસામના મુખ્યપ્રધાન હિમંતા બિસ્વા સરમાએ જણાવ્યું હતું કે અલી બહાર નામનો બાંગ્લાદેશી નાગરિક શ્રીભૂમિ જિલ્લામાં આંતરરાષ્ટ્રીય સરહદ નજીકથી પકડાયો હતો. જોકે મુખ્યમંત્રીએ આ બાબતમાં સાવધાની દાખવતા વિદેશી નાગરિકે ભારતમાં કયા સ્થળે કે વિસ્તારમાંથી પ્રવેશવાનો પ્રયાસ કર્યો હતો તે જણાવ્યું ન હતું, પરંતુ તેને તરત જ સરહદ પાર કરીને બાંગ્લાદેશ પરત મોકલી દેવામાં આવ્યો હતો. બાંગ્લાદેશ સાથે આસામની સરહદ 267.5 કિલોમીટર સુધી વિસ્તરેલી છે.