ધનાર્ક  2024 તારીખઃ 15મી ડિસેમ્બર એટલે કે આજે રાત્રે 10.19 કલાકે સૂર્ય ધનુ રાશિમાં પ્રવેશ કરશે. આ રાશિમાં સૂર્યના પ્રવેશ સાથે જ શુભ કાર્યો બંધ થઈ જાય છે. તેને ધનાર્ક પણ કહેવામાં આવે છે. આ સ્થિતિ લગભગ એક મહિના સુધી ચાલુ રહે છે. આ સમયે જ્યોતિષીય કારણોસર શુભ કાર્યો પર મૂલતવી રાખવામાં આવે છે. સૂર્ય ફરી મકર રાશિમાં જાય પછી જ શુભ કાર્યો શરૂ થઈ શકે છે. 15 જાન્યુઆરીએ સૂર્ય ધનુ રાશિમાંથી મકર રાશિમાં પ્રવેશ કરશે.

ધનુ રાશિમાં લગ્ન કે લગ્ન સંબંધી શુભ કાર્યો પર પ્રતિબંધ છે. આ સમયગાળા દરમિયાન, નવા મકાનનું નિર્માણ અને મિલકત સંબંધિત કામ કરવામા આવતા નથી. નવો ધંધો શરૂ કરવો એ પણ વર્જિત માનવામાં આવે છે. અન્ય શુભ કાર્યો જેવા કે દ્વિરાગમન, કર્ણવેદ અને મુંડન વગેરે પણ મૂલતવી રાખવામાં આવે છે. 

ધનાર્ક માં ઉપનયન સંસ્કાર અથવા કોઈ નવા ઉપવાસ અને પૂજા વિધિ શરૂ કરવાનું ટાળવું જોઈએ. કહેવાય છે કે આવા ઉપવાસ અને પૂજાનું પરિણામ સારું નથી મળતું. કોઈ નવું કામ શરૂ કરવું કે દુકાન ખોલવી પણ ધનાર્ક દરમિયાન મોકૂફ રાખવી જોઈએ. આ તમારા વ્યવસાયમાં અવરોધ લાવી શકે છે.

આ રાશિ પરિવર્તનની અસર આગામી એક મહિના સુધી રાશિચક્ર પર પડશે. આ પરિવર્તન કેટલીક રાશિઓ માટે અશુભ અને અન્ય લોકો માટે સાધારણ ફાયદાકારક રહેશે. આ પરિવર્તન કેટલીક રાશિઓ માટે અશુભ સાબિત થઈ શકે છે. મેષ, મિથુન, સિંહ, વૃશ્ચિક અને ધનુ રાશિના લોકો માટે મધ્યમ રહેશે. વૃષભ, કન્યા અને મકર રાશિ માટે તે નકારાત્મક રહેશે. જ્યારે કર્ક, તુલા, કુંભ અને મીન રાશિના લોકો માટે તે ખૂબ જ શુભ રહેશે

ધનાર્ક દરમિયાન દરરોજ સવારે સૂર્યદેવને હળદર મિશ્રિત જળ અર્પિત કરો. આ પછી વિષ્ણુ સહસ્ત્રનામનો પાઠ કરો. તાંબાની વીંટી પહેરો. દિવસની શરૂઆત ગોળ ખાવાથી કરો. પૂર્વ તરફ માથું રાખીને સૂવાની શરૂઆત કરો