છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
શરદ પવારે વડાપ્રધાન મોદી સાથે કરી મુલાકાતઃ દાડમ ઉદ્યોગ અંગે ખેડૂતોને પડતી મુશ્કેલી અંગે કરી ચર્ચા
પવારની સાથે રહેલા ૨ ખેડૂતોએ દાડમનો ડબ્બો ભેટમાં આપ્યો
નવી દીલ્હી, તા.૧૮: એક તરફ સમગ્ર વિપક્ષ આંબેડકરના મુદ્દે કેન્દ્રીય ગળહમંત્રી અમિત શાહને ઘેરી રહ્યો છે તો બીજી તરફ શરદ પવાર વડાપ્રધાનને મળ્યા છે. રાષ્ટ્રવાદી કોંગ્રેસ પાર્ટી (NCP)ના પ્રમુખ શરદ પવાર સંસદમાં વડાપ્રધાન નરેન્દ્ર મોદીને મળ્યા હતા અને દાડમના ખેડૂતોને પડતી સમસ્યાઓ અંગે ચર્ચા કરી હતી. બેઠકમાં દાડમ ઉદ્યોગને લગતા પડકારો, ખાસ કરીને ખેડૂતોને અસર કરતા પડકારોની ચર્ચા કરવામાં આવી હતી. ખેડૂતોની ચિંતાઓ અંગે અવાજ ઉઠાવનારા પવારે આ મુદ્દાઓને ઉકેલવા અને કળષિ ક્ષેત્રને સમર્થન સુનિશ્ચિત કરવા વડાપ્રધાનના હસ્તક્ષેપની માંગ કરી હતી.
પવાર, પશ્ચિમ મહારાષ્ટ્રના ફલટનના બે ખેડૂતો સાથે, વડા પ્રધાનને સંસદમાં તેમના કાર્યાલયમાં મળ્યા હતા અને તેમને તેમના ખેતરમાંથી દાડમનું બોક્સ પણ આપ્યું હતું. વડાપ્રધાનને મળ્યા બાદ પવારે કહ્યું, ‘મેં સાહિત્ય સંમેલનના વિષય પર વાત નથી કરી.' જ્યારે તેમને પૂછવામાં આવ્યું કે શું તેમણે પીએમ મોદી સાથે મહારાષ્ટ્રની રાજનીતિ વિશે વાત કરી છે? તો તેણે આ પ્રશ્નનો જવાબ ‘ના'માં આપ્યો.
તાજેતરમાં, પવારે વડા પ્રધાનને પત્ર લખીને ફેબ્રુઆરીમાં રાષ્ટ્રીય રાજધાનીના તાલકટોરા સ્ટેડિયમમાં આયોજિત ૯૮માં મરાઠી સાહિત્ય સંમેલનનું ઉદ્ધાટન કરવા આમંત્રણ આપ્યું હતું.
(3:40 PM IST)
