વોશિંગ્ટન તા.૧૯ :  અમેરિકાના રાષ્ટ્રપતિ જો બિડેને સત્તા સોંપતા પહેલા એક મોટી જાહેરાત કરીને નવા રાષ્ટ્રપતિ ડોનાલ્ડ ટ્રમ્પને ચોંકાવી દીધા છે. બિડેન પ્રશાસને H-1B વિઝાના નિયમો હળવા કર્યા છે, જેનાથી અમેરિકન કંપનીઓ માટે વિશેષ કૌશલ્ય ધરાવતા વિદેશી પ્રોફેશનલ્સની ભરતી કરવી અને F-1 સ્ટુડન્ટ વિઝાને H-1B વિઝામાં સરળતાથી રૂપાંતરિત કરવાનું સરળ બન્યું છે. આ પગલાથી હજારો ભારતીય ટેક્નોલોજી પ્રોફેશનલ્સને ફાયદો થવાની શક્યતા છે. H-1B વિઝા એ બિન-ઇમિગ્રન્ટ વિઝા છે જે યુએસ કંપનીઓને વ્યાવસાયિક અથવા તકનીકી કુશળતાની જરૂર હોય તેવા વિશિષ્ટ વ્યવસાયોમાં વિદેશી કામદારોને રાખવાની મંજૂરી આપે છે.

       ભારતમાં સ્ટારલિંક સેવાઓ ઉપલબ્ધ નથી. ટેક્નોલોજી કંપનીઓ ભારત અને ચીન જેવા દેશોમાંથી દર વર્ષે હજારો કર્મચારીઓની ભરતી કરવા માટે આ વિઝા પર આધાર રાખે છે. ડિપાર્ટમેન્ટ ઓફ હોમલેન્ડ સિક્યોરિટી (DHS) દ્વારા મંગળવારે જાહેર કરાયેલા આ નિયમનો હેતુ અમુક હોદ્દાઓ અને બિનનફાકારક અને સરકારી સંશોધન સંસ્થાઓ માટેની વ્યાખ્યાઓ અને માપદંડોનું આધુનિકરણ કરીને નોકરીદાતાઓ અને કામદારોને વધુ સુવિધા પૂરી પાડવાનો છે. એક સત્તાવાર રીલીઝમાં જણાવાયું છે કે આ ફેરફારો અમેરિકન એમ્પ્લોયરોને તેમની વ્યાપાર જરૂરિયાતો અનુસાર નોકરીમાં રાખવામાં અને વૈશ્વિક બજારમાં સ્પર્ધાત્મક રહેવામાં મદદ કરશે. DHS મુજબ, આ નિયમ F-1 વિઝા ધરાવતા વિદ્યાર્થીઓ માટે કેટલીક સુવિધાઓ પણ પ્રદાન કરે છે જેઓ તેમના વિઝાને H-1Bમાં કન્વર્ટ કરવા માગે છે.