જર્મની : ક્રિસમસ પૂર્વે હુમલો : બેકાબુ કારનું તાંડવ : ૧૧ મોત
ક્રિસમસ બજારમાં ઘુસી બેકાબુ કાર : લોકોને કચડી નાખ્યા : ૧૧ના મોત : ૬૮ને ઇજા :કાર ચાલક ૫૦ વર્ષનો ડોકટર : સાઉદી અરેબિયાનો છે : સોશ્યલ મીડિયામાં આતંકી હુમલો ગણાવાયો : વિશ્વવ્યાપી ટીકા
બર્લિન, તા.૨૧: જર્મનીમાં એક મોટી દુર્ઘટના સામે આવી છે. જર્મનીના મેગડેબર્ગમાં શુક્રવારે રાત્રે એક કાર ક્રિસમસ માર્કેટમાં ઘૂસી ગઈ અને લોકોને કચડી નાખ્યા. આ અકસ્માતમાં બાળકો સહિત ૧૧ લોકોના મોત થયા છે. જ્યારે ૬૮થી વધુ લોકો ઘાયલ થયા છે. જર્મન મીડિયાના અહેવાલ મુજબ ડ્રાઈવરની ધરપકડ કરવામાં આવી છે. પોલીસે જણાવ્યું કે ડ્રાઈવર ભીડમાંથી ૪૦૦ મીટર સુધી તેનું વાહન લઈ ગયો. જર્મન અખબાર વેલ્ટના અહેવાલ મુજબ કારનો ડ્રાઈવર સાઉદી નાગરિક છે.
આ વ્યક્તિ વ્યવસાયે ડોક્ટર છે અને તેની ઉંમર ૫૦ વર્ષની આસપાસ છે. રિપોર્ટમાં એવો પણ દાવો કરવામાં આવ્યો છે કે તેની પાસે અનેક સૂટકેસ છે, જેની તપાસ કરવામાં આવી અને તેમાં કોઈ વિસ્ફોટક સામગ્રી મળી નથી. ઇમરજન્સી સેવાઓએ ઘાયલોની સંભાળ માટે તંબુ ગોઠવ્યા છે, જ્યારે ૧૦-૨૦ ઘાયલોને તાત્કાલિક સારવાર માટે મેગ્ડેબર્ગ યુનિવર્સિટી હોસ્પિટલમાં લઈ જવામાં આવ્યા છે. મેગ્ડેબર્ગના પ્રવક્તાએ જણાવ્યું હતું કે આ ઘટના ઇરાદાપૂર્વક કરવામાં આવેલ હુમલો હોવાનું જણાય છે.
પ્રત્યક્ષદર્શીઓએ જણાવ્યું હતું કે મેગ્ડેબર્ગમાં એક કાળી BMW ઉત્સવની ભીડમાં ઘૂસી ગઈ હતી, જેના કારણે નાસભાગ મચી ગઈ હતી. ડ્રાઈવર પાસે અનેક સૂટકેસ હતી, જેની તપાસ કરવામાં આવી અને કોઈ વિસ્ફોટક સામગ્રી મળી ન હતી. આ ઘટનાના CCTV ફૂટેજ સોશિયલ મીડિયા પર સામે આવ્યા છે. આખા રોડ પર બજાર દેખાય છે. જેના કારણે અહીં ભારે ભીડ જોવા મળી રહી છે. ત્યારે અચાનક એક કાર તેજ ગતિએ લોકોને કચડી નાખે છે. કેટલાક લોકો જમીન પર પડી જાય છે જ્યારે કેટલાક ભાગવા લાગે છે.
બિલ્ડ અખબારના જણાવ્યા અનુસાર, એક પ્રત્યક્ષદર્શી નાદિને કહ્યું, હું મારા બોયફ્રેન્ડ માર્કો સાથે ચાલી રહી હતી ત્યારે કાર ઝડપથી અમારી તરફ આવી. તે મારાથી અલગ થઈ ગયો. તેણે કહ્યું કે માર્કોને માથા અને પગમાં ઈજા થઈ છે. તેણીને હોસ્પિટલમાં લઈ જવામાં આવી હતી, પરંતુ તેણીને ખબર નથી કે તેઓ તેણીને કયાં લઈ ગયા. રાજ્યએ હુમલાની નિંદા કરી, પરંતુ ડ્રાઇવરના સાઉદી મૂળનો કોઈ ઉલ્લેખ કર્યો નથી. અબજોપતિ એલોન મસ્ક તેના હ્ એકાઉન્ટ પર પોસ્ટ્સ શેર કરે છે જે ગેરકાયદેસર ઇમિગ્રન્ટ્સને રોકવા વિશે વાત કરે છે.
(10:15 AM IST)
છેલ્લા 8 દિવસમાં સૌથી લોકપ્રિય 
