નવી દિલ્‍હી, તા.૨૧: હેલ્‍થ અને ટર્મ ઈન્‍સ્‍યોરન્‍સ અત્‍યારે સસ્‍તું નહીં થાય. નાણાપ્રધાન નિર્મલા સીતારમણની અધ્‍યક્ષતામાં જેસલમેરમાં યોજાયેલી GST કાઉન્‍સિલની બેઠકમાં વીમા પર GST ઘટાડવા અંગે કોઈ નિર્ણય લેવામાં આવ્‍યો ન હતો અને સ્‍વાસ્‍થ્‍ય વીમા પર GST ઘટાડવાની દરખાસ્‍ત આગામી બેઠક સુધી મોકૂફ રાખવામાં આવી છે. ટર્મ ઈન્‍સ્‍યોરન્‍સ, લાઈફ ઈન્‍સ્‍યોરન્‍સ અને હેલ્‍થ ઈન્‍સ્‍યોરન્‍સ પર ટેક્‍સ ઘટાડવાનો પ્રસ્‍તાવ રાજ્‍યોના વિરોધને કારણે પસાર થઈ શકયો નથી. કાઉન્‍સિલે મંત્રીઓને આનો વધુ અભ્‍યાસ કરવા જણાવ્‍યું છે.

બિહારના નાણાપ્રધાન સમ્રાટ ચૌધરીએ જણાવ્‍યું હતું કે વીમા પર GST ઘટાડવાનો પ્રસ્‍તાવ આગામી ઞ્‍લ્‍વ્‍ બેઠક સુધી મોકૂફ રાખવામાં આવ્‍યો છે. આજે GSTની બેઠક બે તબક્કામાં યોજાઈ રહી છે. બેઠકનો પ્રથમ તબક્કો સવારે ૧૧ વાગ્‍યાથી બપોરે ૨.૪૫ વાગ્‍યા સુધી ચાલ્‍યો હતો. આ પછી બીજા તબક્કાની બેઠક ૪.૩૦ વાગ્‍યાથી શરૂ થશે.

GST કાઉન્‍સિલની બેઠકમાં જીવન અને સ્‍વાસ્‍થ્‍ય વીમા પર ટેક્‍સ ઘટાડવાનો નિર્ણય મોકૂફ રાખવામાં આવ્‍યો છે. જેસલમેરમાં યોજાનારી ૫૫મી GST કાઉન્‍સિલની બેઠકમાં વીમા પ્રીમિયમ પરના ટેક્‍સમાં ઘટાડો અપેક્ષિત હતો. કેન્‍દ્રીય નાણાપ્રધાન નિર્મલા સીતારમણની અધ્‍યક્ષતામાં મળેલી બેઠકમાં નિર્ણય લેવામાં આવ્‍યો હતો કે કેટલાક વધુ ટેકનિકલ મુદ્દાઓને ઉકેલવાની જરૂર છે. આ બાબતે વધુ ચર્ચા કરવા માટે મંત્રીઓના જૂથ (GoM)ની રચના કરવામાં આવી છે.

બિહારના ડેપ્‍યુટી સીએમ સમ્રાટ ચૌધરીએ જણાવ્‍યું હતું કે જૂથ, વ્‍યક્‍તિગત અને વરિષ્ઠ નાગરિક નીતિઓ પર કરવેરા અંગે નિર્ણય લેવા માટે વીમા પરના ઞ્‍ંપ્‍ની બીજી બેઠક જરૂરી છે. આ અંગે વધુ ચર્ચા કરવાની જરૂર છે, આ માટે જાન્‍યુઆરીમાં ઞ્‍ંપ્‍ની બેઠક યોજાશે. ચૌધરીના નેતળત્‍વ હેઠળ કાઉન્‍સિલ દ્વારા રચવામાં આવેલ મંત્રી જૂથ (GoM), નવેમ્‍બરમાં તેની બેઠકમાં ટર્મ લાઇફ ઇન્‍સ્‍યોરન્‍સ પોલિસી માટે વીમા પ્રીમિયમની ચુકવણીને GSTમાંથી મુક્‍તિ આપવા સંમત થયા હતા.

આ સિવાય સ્‍વાસ્‍થ્‍ય વીમા કવચ માટે વરિષ્ઠ નાગરિકો દ્વારા ચૂકવવામાં આવતા પ્રીમિયમને ટેક્‍સમાંથી મુક્‍તિ આપવાનો પણ પ્રસ્‍તાવ કરવામાં આવ્‍યો છે. આ સિવાય વરિષ્ઠ નાગરિકો અને અન્‍ય લોકો દ્વારા ૫ લાખ રૂપિયા સુધીના સ્‍વાસ્‍થ્‍ય વીમા કવરેજ માટે ચૂકવવામાં આવતા પ્રીમિયમને GSTમાંથી મુક્‍તિ આપવાનો પ્રસ્‍તાવ પણ છે. જો કે, રૂ. ૫ લાખથી વધુની આરોગ્‍ય વીમા કવરેજ પોલિસી માટે ચૂકવવામાં આવેલા પ્રીમિયમ પર ૧૮ ટકાનો GST દર લાગુ થશે.

બિહારના ડેપ્‍યુટી સીએમ સમ્રાટ ચૌધરીએ, GST દરોને તર્કસંગત બનાવવા માટે રચાયેલા મંત્રીઓના જૂથ (GoM) ના સંયોજક, જણાવ્‍યું હતું કે પેનલે GST કાઉન્‍સિલને તેનો અહેવાલ સબમિટ કરવામાં વિલંબ કર્યો હતો. આ રિપોર્ટમાં ૧૪૮ વસ્‍તુઓ પર જીએસટી દરને તર્કસંગત બનાવવાનું સૂચન કરવામાં આવ્‍યું હતું. ચૌધરીએ જણાવ્‍યું હતું કે, અમે કાઉન્‍સિલની આગામી બેઠકમાં દરોના તર્કસંગતકરણ અંગે મંત્રીઓના જૂથ (GoM)નો અહેવાલ રજૂ કરીશું. મહિનાની શરૂઆતમાં, GoMની લગભગ ૧૪૮ વસ્‍તુઓ પર ટેક્‍સ દરોમાં ફેરફાર કરવા પર સર્વસંમતિ સધાઈ હતી.

GST કાઉન્‍સિલની બેઠકમાં હાલના ૨૮ ટકાની સામે ૩૫ ટકા કર લાદવાની દરખાસ્‍ત મંત્રીઓના જૂથ (GoM)માં કરવામાં આવી હતી વર્તમાન GST લક્‍ઝરી વસ્‍તુઓ પર ૫, ૧૨, ૧૮ અને ૨૮ ટકાના ટેક્‍સ સ્‍લેબ છે. સૌથી વધુ ટેક્‍સ ૨૮ ટકા લાદવામાં આવ્‍યો છે, જ્‍યારે પેક્‍ડ ફૂડ પ્રોડક્‍ટ્‍સ અને આવશ્‍યક વસ્‍તુઓને ૫ ટકાના સૌથી નીચા ટેક્‍સ સ્‍લેબમાં રાખવામાં આવી છે.

જીઓએમએ કપડાં પર લાદવામાં આવેલા જીએસટીને સુધારવાનો પણ નિર્ણય લીધો હતો. આ મુજબ ૧,૫૦૦ રૂપિયા સુધીના રેડીમેડ ગારમેન્‍ટ પર ૫ ટકા અને ૧,૫૦૦ થી ૧૦,૦૦૦ રૂપિયા સુધીના કપડા પર ૧૮ ટકા GST લાગશે. ૧૦,૦૦૦ રૂપિયાથી વધુ કિંમતના કપડા પર ૨૮ ટકા GST લાદવાનો પ્રસ્‍તાવ હતો. હાલમાં ૧૦૦૦ રૂપિયા સુધીના કપડા પર ૫ ટકા GSTલાદવામાં આવે છે. જ્‍યારે આનાથી વધુ કિંમતના કપડાં પર ૧૨ ટકા જીએસટી લાગે છે.

જીઓએમએ પ્રતિ જોડી રૂ. ૧૫,૦૦૦ થી વધુ કિંમતના જૂતા પર જીએસટી ૧૮ થી વધારીને ૨૮ ટકા કરવાનો પ્રસ્‍તાવ પણ મૂકયો હતો. આ સિવાય ૨૫,૦૦૦ રૂપિયાથી વધુ કિંમતની કાંડા ઘડિયાળ પર જીએસટી ૧૮થી વધારીને ૨૮ ટકા કરવાનો પ્રસ્‍તાવ હતો. ૨૦ લિટર અને તેથી વધુના પેકેજ્‍ડ પીવાના પાણી પર જીએસટી દર ૧૮ ટકાથી ઘટાડીને ૫ ટકા કરવાનો પ્રસ્‍તાવ હતો. ૧૦,૦૦૦ રૂપિયાથી ઓછી કિંમતની સાયકલ પરનો GST ૧૨ ટકાથી ઘટાડીને ૫ ટકા કરવાનો પણ પ્રસ્‍તાવ હતો. આ સિવાય એક્‍સરસાઇઝ નોટબુક પરનોGST ૧૨ ટકાથી ઘટાડીને ૫ ટકા કરવામાં આવશે.