મુંબઈ , તા.૨૫

એક દિવસ માત્ર ૧૩ હજાર રૃપિયામાં કામ કરનાર વ્યક્તિ અચાનક લક્ઝરી કારમાં મુસાફરી કરવા લાગે છે. તેનો એક મિત્ર ૩૫ લાખ રૃપિયાની એસયુવી કાર ખરીદે છે. એટલું જ નહીં તેણે તેની ગર્લફ્રેન્ડને 4 BHK ફ્લેટ પણ ગિફ્ટ કર્યો હતો. આ બધું જોઈને આસપાસના લોકોની ઊંઘ ઊડી ગઈ. આ બધું કેવી રીતે બન્યું તે તેમના માટે માનવું મુશ્કેલ હતું. પછી એવી કહાની સામે આવી કે જેણે પણ સાંભળ્યું તેના પગ નીચેથી જમીન સરકી ગઈ. આ બધું મહારાષ્ટ્રના છત્રપતિ સંભાજીનગરમાં થયું.

હર્ષકુમાર ક્ષીરસાગર નામના કોન્ટ્રાક્ટ કર્મચારીએ સરકાર સાથે ૨૧ કરોડ ૫૯ લાખ ૩૮ હજાર રૃપિયાની છેતરપિંડી કરી હતી. કૌભાંડનો પર્દાફાશ થયા બાદ આરોપીઓની સંપત્તિનો ખુલાસો થયો હતો. ૧૩ હજારના કોન્ટ્રાક્ટ પર કામ કરતા બે કર્મચારીઓએ છત્રપતિ સંભાજીનગર ડિપાર્ટમેન્ટલ સ્પોર્ટ્સ કોમ્પ્લેક્સના વહીવટીતંત્ર સાથે ઈન્ટરનેટ બેંકિંગ દ્વારા ૨૧ કરોડ ૫૯ લાખ ૩૮ હજાર રૃપિયાની છેતરપિંડી કરી હતી.

આ પૈસાથી આરોપીએ BMW કાર, મ્સ્ઉ બાઇક ખરીદી હતી અને તેની ગર્લફ્રેન્ડ માટે એરપોર્ટની સામેના એપાર્ટમેન્ટમાં 4 BHK ફ્લેટ પણ ખરીદ્યો હતો. એટલું જ નહીં, આરોપીઓએ શહેરના એક નામાંકિત જ્વેલરને હીરાના ચશ્મા બનાવવાનો ઓર્ડર પણ આપ્યો હતો. મરાઠીમાં છપાયેલા સમાચાર અનુસાર, અન્ય મહિલા કોન્ટ્રાક્ટ વર્કરના પતિએ ૩૫ લાખ રૃપિયાની એસયુવી કાર ખરીદી છે. પોલીસની પ્રાથમિક તપાસમાં ચોંકાવનારી માહિતી સામે આવી છે. મુખ્ય આરોપીનું નામ હર્ષ કુમાર અનિલ ક્ષીરસાગર છે અને તે એસયુવી કાર લઈને ભાગી ગયો હતો.

સ્પોર્ટ્સ કોમ્પ્લેક્સ માટે સરકાર તરફથી મળેલ ફંડ જમા કરાવવા માટે સ્પોર્ટ્સ કોમ્પ્લેક્સના નામે ઈન્ડિયન બેંકમાં ખાતું ખોલવામાં આવ્યું હતું. આ ખાતામાં વ્યવહારો ડેપ્યુટી સ્પોર્ટ્સ ડિરેક્ટર દ્વારા સહી કરાયેલા ચેક દ્વારા કરવામાં આવે છે. પરંતુ આરોપી હર્ષકુમાર ક્ષીરસાગર, યશોદા શેટ્ટી અને તેના પતિ બી.કે.જીવન કે જેઓ વિભાગીય સંકુલના કોન્ટ્રાક્ટ પરના કર્મચારી છે, બનાવટી દસ્તાવેજો તૈયાર કરીને બેંકને આપ્યા હતા અને ઇન્ટરનેટ બેંકિંગ માટે તેમનો નંબર એક્ટિવેટ કર્યા બાદ રકમ તેમના ખાતામાં ટ્રાન્સફર કરી હતી. રસપ્રદ વાત એ છે કે આ ઘટનાના છ મહિના પછી વિભાગીય નાયબ નિયામકના ધ્યાને આવ્યું હતું. પોલીસ તપાસ દ્વારા આ કૌભાંડના તમામ સંકેતોની તપાસ કરી કડક કાર્યવાહી કરવામાં આવે તે જરૃરી છે. સાથે જ સામાન્ય માણસની મહેનતની કમાણી ચોરોના હાથમાં ન જાય તેનું ધ્યાન રાખવું જરૃરી છે.