તા. ૨૧ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૨ શનિવાર
News of Saturday, 28th December 2024
કેન્દ્ર સરકાર દિલ્હીમાં બનાવશે મનમોહન સિંહનું સ્મારક
ખુદ ગૃહ પ્રધાન શાહે ખડગે અને પૂર્વ PMના પરિવારને આપી જાણકારી : ગૃહ મંત્રાલયે કહ્યું કે સરકારને પૂર્વ વડાપ્રધાન સ્વર્ગસ્થ ડો. મનમોહન સિંહના સ્મારક માટે જગ્યા ફાળવવા માટે કોંગ્રેસ પાર્ટી અધ્યક્ષ તરફથી વિનંતી મળી છે : કેબિનેટની બેઠક પછી તરત જ ગૃહ પ્રધાન અમિત શાહે કોંગ્રેસ અધ્યક્ષ ખડગે અને સ્વર્ગસ્થ ડૉ. મનમોહન સિંહના પરિવારને કહ્યું કે સરકાર સ્મારક માટે જગ્યા ફાળવશે

નવી દિલ્હી, તા.૨૮: કેન્દ્ર સરકારે પૂર્વ વડાપ્રધાન ડો.મનમોહન સિંહની યાદમાં રાષ્ટ્રીય રાજધાનીમાં એક સ્મારક બનાવવાનો નિર્ણય કર્યો છે. કેન્દ્રીય ગૃહ મંત્રાલય દ્વારા આ માહિતી આપવામાં આવી છે. એક અખબારી યાદી બહાર પાડીને ગૃહ મંત્રાલયે કહ્યું કે શુક્રવારે સવારે સરકારને કોંગ્રેસ પાર્ટીના અધ્યક્ષ તરફથી ભૂતપૂર્વ વડાપ્રધાન સ્વર્ગસ્થ ડૉ. મનમોહન સિંહના સ્મારક માટે જગ્યા ફાળવવાની વિનંતી મળી.
કેબિનેટની બેઠક પછી તરત જ ગૃહ પ્રધાન અમિત શાહે કોંગ્રેસ અધ્યક્ષ ખડગે અને સ્વર્ગસ્થ ડૉ. મનમોહન સિંહના પરિવારને કહ્યું કે સરકાર સ્મારક માટે જગ્યા ફાળવશે. આ દરમિયાન અંતિમ સંસ્કાર અને અન્ય ઔપચારિકતાઓ પૂર્ણ થઈ શકે છે, કારણ કે ટ્રસ્ટની રચના કરવી પડશે અને તેના માટે જગ્યા ફાળવવી પડશે.
કોંગ્રેસની આગેવાની હેઠળની યુપીએ સરકારનું નેતળત્વ કરનાર અને આર્થિક સુધારા માટે જાણીતા ડૉ.મનમોહન સિંહનું ગુરુવારે ૯૨ વર્ષની વયે અવસાન થયું. તેમણે ૨૦૦૪ થી ૨૦૧૪ સુધી ભારતના વડા-ધાન તરીકે ૧૦ વર્ષ સુધી દેશનું નેતળત્વ કર્યું.
કોંગ્રેસે શુક્રવારે આરોપ લગાવ્યો હતો કે મનમોહન સિંહના અંતિમ સંસ્કાર અને સ્મારક માટે સ્થળ નક્કી ન કરવું એ દેશના પ્રથમ શીખ વડાપ્રધાનનું ઈરાદાપૂર્વકનું અપમાન છે. કોંગ્રેસે આ મુદ્દો ત્યારે ઉઠાવ્યો જ્યારે કેન્દ્રીય ગૃહ મંત્રાલયે પોતાના નિવેદનમાં કહ્યું કે મનમોહન સિંહના અંતિમ સંસ્કાર દિલ્હીના નિગમબોધ ઘાટ પર શનિવારે સવારે ૧૧:૪૫ વાગ્યે પૂર્ણ રાજ્ય સન્માન સાથે કરવામાં આવશે.
તમને જણાવી દઈએ કે કોંગ્રેસ નેતા જયરામ રમેશે શુક્રવારે ટ્વિટ કરીને કેન્દ્ર સરકાર પર પૂર્વ વડાપ્રધાન ડૉ.મનમોહન સિંહ પ્રત્યે અનાદરભર્યું વલણ અપનાવવાનો આરોપ લગાવ્યો હતો. તેમણે લખ્યું, ૅઆજે સવારે કોંગ્રેસ અધ્યક્ષે વડાપ્રધાનને પત્ર લખીને પ્રસ્તાવ મૂકયો કે ડૉ. મનમોહન સિંહના અંતિમ સંસ્કાર એવા સ્થળે કરવામાં આવે જ્યાં તેમના વારસાના સન્માન માટે એક સ્મારક બનાવવામાં આવે. સવાલો ઉઠાવતા જયરામ રમેશે કહ્યું, આપણા દેશના લોકો એ સમજવામાં અસમર્થ છે કે શા માટે ભારત સરકાર ડૉ. મનમોહન સિંઘના વૈશ્વિક કદ, ઉત્કળષ્ટ સિદ્ધિઓ અને દાયકાઓની સેવાને અનુરૂપ તેમના અંતિમ સંસ્કાર અને સ્મારક માટે કોઈ જગ્યા આપી રહી નથી. રાષ્ટ્ર માટે નક્કી કરી શકયા નથી.
(10:38 AM IST)









છેલ્લા 8 દિવસમાં સૌથી લોકપ્રિય 
