<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 28th December 2024

લક્‍ઝરી કારનો નવો રેકોર્ડ : દર ૧૦ મિનિટે ૫૦ લાખથી વધુની ૧નું વેચાણ

દેશમાં જેમ જેમ અબજોપતિઓની સંખ્‍યા વધી રહી છે તેમ તેમ લક્‍ઝરી કારનું વેચાણ પણ વધી રહયું છે : દર કલાકે ૬ એવી લક્‍ઝરી કારોમાં ઓડી અને મર્સિડીઝ બેન્‍ઝ જેવી મોટી બ્રાન્‍ડની સામેલ છે : ૫ વર્ષ પહેલા દર કલાકે લક્‍ઝરી કારના વેચાણની સંખ્‍યા માત્ર બે હતી : આવી સ્‍થિતિમાં આ ૫ વર્ષમાં તેમાં ત્રણ ગણો વધારો થયો છે

નવી દિલ્‍હી, તા.૨૮: શું સસ્‍તી કારના દિવસો ખતમ થવાના છે? વર્ષ ૨૦૨૪માં લક્‍ઝરી કારની માંગ કંઈક આવો જ સંકેત આપી રહી છે. આંકડા દર્શાવે છે કે આ વર્ષે દર કલાકે ૬ એવી લક્‍ઝરી કાર વેચાઈ હતી જેની કિંમત ૫૦ લાખ રૂપિયાથી વધુ હતી. એટલે કે દર ૧૦ મિનિટે એક લક્‍ઝરી કારનું વેચાણ થાય છે. આ કારોમાં ઓડી અને મર્સિડીઝ બેન્‍ઝ જેવી મોટી બ્રાન્‍ડની કાર સામેલ છે.

આંકડા મુજબ, ૫ વર્ષ પહેલા દર કલાકે લક્‍ઝરી કારના વેચાણની સંખ્‍યા માત્ર બે હતી. આવી સ્‍થિતિમાં આ ૫ વર્ષમાં તેમાં ત્રણ ગણો વધારો થયો છે. આ દર્શાવે છે કે સમૃદ્ધ વર્ગ વિસ્‍તરી રહ્‍યો છે. ઇકોનોમિક ટાઇમ્‍સ અનુસાર, લક્‍ઝરી કાર ઉત્‍પાદકો વર્ષ ૨૦૨૫માં બે ડઝનથી વધુ નવા વાહનો લોન્‍ચ કરવાની તૈયારી કરી રહ્‍યા છે.

કેવું રહેશે વર્ષ ૨૦૨૫?

ઇન્‍ડસ્‍ટ્રીના નિષ્‍ણાતોના મતે વર્ષ ૨૦૨૫માં લક્‍ઝરી કારના વેચાણમાં વધુ વધારો થવાની ધારણા છે. એવું માનવામાં આવે છે કે વર્ષ ૨૦૨૫માં લક્‍ઝરી કારનું વેચાણ ૫૦ હજારને પાર કરી જશે. જો આવું થશે તો તે પ્રથમ વખત બનશે.

ઓડી ઈન્‍ડિયાના વડા બલબીર સિંહ ડિલિયોને કહ્‍યું, અમે ૨૦૨૫માં ઉદ્યોગ ૮ થી ૧૦%ના દરે વળદ્ધિની અપેક્ષા રાખીએ છીએ.ઁ દરમિયાન, મર્સિડીઝ-બેન્‍ઝ ઈન્‍ડિયાના મેનેજિંગ ડિરેક્‍ટર અને ચીફ એક્‍ઝિકયુટિવ ઓફિસર સંતોષ અય્‍યરે કહયું,વર્ષ ૨૦૨૫માં લક્‍ઝરી કારના વેચાણમાં વધારો થવાની આશા છે.

આ વર્ષે પણ લક્‍ઝરી કારના વેચાણમાં નોંધપાત્ર વધારો થયો છે. વર્ષ ૨૦૨૪માં મર્સિડીઝ બેન્‍ઝ કારના વેચાણની સંખ્‍યા ૨૦ હજાર સુધી પહોંચી જશે. કંપનીએ સપ્‍ટેમ્‍બરના નવ મહિનામાં વેચાણમાં ૧૩% વળદ્ધિ નોંધાવી ૧૪,૩૭૯ યુનિટ્‍સ નોંધાવ્‍યા છે.

દરમિયાન, જાન્‍યુઆરી અને સપ્‍ટેમ્‍બર વચ્‍ચે, BMW ઇન્‍ડિયાનું વેચાણ લગભગ ૫% વધીને રેકોર્ડ ૧૦,૫૫૬ વાહનો પર પહોંચી ગયું છે. ઓડી ઈન્‍ડિયાએ કહ્‍યું કે તે આવતા વર્ષે ફરીથી વેચાણ વધારવા માટે તૈયાર છે.દેશમાં અબજોપતિઓની સંખ્‍યા ઝડપથી વધી રહી છે. નાઈટ ફ્રેક્રના ઁધ વેલ્‍થ રિપોર્ટ ૨૦૨૪ઁ અનુસાર, અતિ સમૃદ્ધ ભારતીયોની સંખ્‍યામાં ૨૦૨૩માં ૧૩૨૬૩થી ૨૦૨૮માં ૧૯૯૦૮ સુધી ૫૦%નો વધારો થવાની ધારણા છે. ભારત પછી ચીન (૪૭%), તુર્કિયે (૪૨.૯%) અને મલેશિયા (૩૫%) આવે છે. ઈન્‍ડસ્‍ટ્રીના જાણકારોના મતે દેશમાં અબજોપતિઓની સંખ્‍યામાં વધારો થવાને કારણે લક્‍ઝરી કારના વેચાણમાં વધારો થયો છે.

(3:36 PM IST)