નવી દિલ્‍હીઃ જાન્યુઆરીમાં અયોધ્યા રામ મંદિરના પ્રાણ પ્રતિષ્ઠાને એક વર્ષ પૂર્ણ થવા જઈ રહ્યું છે. આ વખતે અયોધ્યામાં યાત્રીકોની ભારે ભીડ ઉમટી રહી છે. જેના કારણે અયોધ્યા અને ફૈઝાબાદની તમામ હોટલો 15 જાન્યુઆરી સુધી બુક થઈ ગઈ છે. કોઇ મળી રહે તો પણ તેનું ભાડું 10,000 રૂપિયાથી વધુ છે.

જેમ જેમ નવું વર્ષ નજીક આવી રહ્યું છે તેમ તેમ અયોધ્યા મંદિરની નગરી ભક્તો અને પ્રવાસીઓની ભારે ભીડ માટે તૈયાર થઈ રહી છે. 22 જાન્યુઆરીએ રામ મંદિરના ભવ્ય પ્રતિષ્ઠા મહોત્સવનું આયોજન કરવામાં આવ્યું હતું. જેને એક વર્ષ પૂર્ણ થવા જઇ રહ્યુ છે. આ એક વર્ષની ઉજવણી માટે દેશના વિવિધ ભાગોમાંથી ભક્તો અને પ્રવાસીઓ આવવાની અપેક્ષા છે. જે અયોધ્યામાં હોટલ બુકિંગના આંકડા પરથી જોઈ શકાય છે જે સતત ભરાઈ રહી છે. અયોધ્યા અને ફૈઝાબાદની તમામ હોટલ અને લોજ બુક થઈ ગયા હોવાના અહેવાલ છે. બીજી તરફ રામ જન્મભૂમિ તીર્થ ક્ષેત્ર ટ્રસ્ટે પણ ભક્તો માટે 'દર્શન'નો સમય લંબાવ્યો છે અને અપેક્ષિત ભીડને સંભાળવા માટે વિસ્તૃત વ્યવસ્થા કરી છે.

અયોધ્યાની સ્થાનિક એક હોટલના માલિકએ મિડિયાને કહ્યું કે અમે આ નવા વર્ષમાં ભક્તોનું સ્વાગત કરવા તૈયાર છીએ. અમારી હોટલના બધા રૂમ 15મી જાન્યુઆરી સુધી બુક થઈ ગયા છે. જ્યારે શનિવારે સવારે તપાસ કરવામાં આવી ત્યારે ઓનલાઈન બુકિંગ પ્લેટફોર્મએ કેટલીક હોટલ અને લોજમાં રૂમ હજુ પણ ઉપલબ્ધ દર્શાવ્યા હતા, જો કે માંગમાં વધારાને કારણે કેટલીક હોટલો રાત્રિ દીઠ રૂ. 10,000 થી વધુ ભાડુ વસૂલતી હતી. આ વર્ષની શરૂઆતમાં અયોધ્યામાં ધાર્મિક પર્યટનમાં વધારો જોવા મળ્યો છે, અને જ્યારે 'ચૈત્ર' (માર્ચ-એપ્રિલ) માં હિન્દુ નવું વર્ષ પરંપરાગત મહત્વ ધરાવે છે, ત્યારે અંગ્રેજી નવું વર્ષ પણ ભક્તિ ઉત્સાહમાં વધારો જોવા મળ્યો છે.

વર્ષની શરૂઆતમાં રામ લાલાના આશીર્વાદ મેળવવા માટે મોટી સંખ્યામાં ભક્તો ધાર્મિક સ્થળોની મુલાકાત લે છે અને 1 જાન્યુઆરીએ ધાર્મિક સ્થળો પર જઇને પુજા-પ્રાર્થના કરે છે. ભીડનું સુચારુ સંચાલન અને સુરક્ષા સુનિશ્ચિત કરવા માટે અયોધ્યાના વરિષ્ઠ પોલીસ અધિક્ષક (એસએસપી) રાજકરણ નય્યરે જણાવ્યું હતું કે રામ મંદિર, હનુમાનગઢી, લતા ચોક, ગુપ્તર ઘાટ, સૂરજકુંડ અને અન્ય લોકપ્રિય સ્થળો પર મજબૂત સુરક્ષા વ્યવસ્થા કરવામાં આવશે. મંદિર ટ્રસ્ટે પણ ખાસ કરીને 30 ડિસેમ્બર અને જાન્યુઆરીના પહેલા બે અઠવાડિયા વચ્ચે વધતી ભીડને નિયંત્રિત કરવા માટે વ્યાપક તૈયારીઓ કરી છે. ટ્રસ્ટના પ્રતિનિધિએ જણાવ્યું કે દર્શનનો સમય લંબાવવામાં આવ્યો છે અને તમામ ભક્તો માટે વ્યવસ્થા કરવામાં આવી છે.

રામ મંદિરના પ્રાણ પ્રતિષ્ઠા સમારોહ જેમાં વડા પ્રધાન નરેન્દ્ર મોદી અને તમામ ક્ષેત્રના સેંકડો લોકો હાજર રહ્યા હતા, અયોધ્યા તેમજ ઉત્તર પ્રદેશમાં પ્રવાસન પ્રવૃત્તિઓમાં વધારો થયો હતો. રાજ્યના પ્રવાસન વિભાગના જણાવ્યા અનુસાર 2022માં 32.18 કરોડ પ્રવાસીઓ ઉત્તર પ્રદેશમાં આવ્યા હતા, જે 2024ના પ્રથમ છ મહિનામાં વધીને 32.98 કરોડ થઈ ગયા હતા. ઉત્તર પ્રદેશ સરકારે ગયા અઠવાડિયે એક નિવેદનમાં કહ્યું હતું કે પ્રવાસીઓની સંખ્યામાં વધારો થવાનો શ્રેય અયોધ્યા અને કાશી (વારાણસી)ના મહત્વપૂર્ણ યોગદાનને જાય છે. સરકારે જણાવ્યું હતું કે ગયા વર્ષે જાન્યુઆરીમાં ભવ્ય રામ મંદિરના ઉદ્ઘાટન પછી ઉત્તર પ્રદેશમાં પ્રથમ છ મહિનામાં પ્રવાસીઓના પ્રવાહમાં નોંધપાત્ર વધારો થયો હતો. એકલા જાન્યુઆરીમાં રેકોર્ડબ્રેક સાત કરોડ પ્રવાસીઓ આવ્યા હતા.