વડાપ્રધાન નરેન્દ્રભાઈ મોદીનો માસિક રેડિયો કાર્યક્રમ, 'મન કી બાત'નો ૧૧૭મો એપિસોડ આજે પ્રસારિત થયો, જે વિવિધ રાષ્ટ્રીય સિદ્ધિઓ પર પ્રજાનું ધ્યાન કેન્દ્રિત કરે છે. નરેન્દ્રભાઈએ 'મન કી બાત'માં હેલ્થકેરની સફળતા સહિત અનેક બાબતો ઉપર ચર્ચા કરી હતી, વિગતો ઉપર પ્રકાશ પાડ્યો હતો.

મુખ્ય વિષયોમાં કેન્સરની સારવારની પોષણક્ષમતા પર આયુષ્માન ભારત યોજનાની અસર, મેલેરિયા નિયંત્રણમાં ભારતની પ્રગતિ અને ભારતીય સંસ્કૃતિના વૈશ્વિક પ્રસારનો સમાવેશ થાય છે. શ્રી મોદીએ રાષ્ટ્રીય વિકાસ તરફના વ્યાપક પ્રયાસોના ભાગરૂપે આ સફળતાઓને ઉજાગર કરી હતી.