નવી દિલ્હી :નવા વર્ષ માટે હવે ગણતરીના કલાકો જ બાકી રહ્યા છે. નવા વર્ષને લઈને ઓલ ઈન્ડિયા મુસ્લિમ જમાતના રાષ્ટ્રીય અધ્યક્ષ મૌલાના મુફ્તી શહાબુદ્દીન રઝવી બરેલવીએ મુસ્લિમો માટે ફતવો બહાર પાડ્યો છે. તેમણે કહ્યું કે યુવક-યુવતીઓએ નવા વર્ષની ઉજવણી કરવાનું ટાળવું જોઈએ. કારણ કે નવા વર્ષની ઉજવણી ઇસ્લામમાં ગેરકાનૂની છે.

   મૌલાના શહાબુદ્દીન બરેલીએ ફતવામાં કહ્યું કે નવું વર્ષ ઈસાઈ નવું વર્ષ છે ઇસ્લામિક નવું વર્ષ નથી. આવી સ્થિતિમાં, તેમણે ખાસ કરીને યુવાનોને નવા વર્ષની ઉજવણી દરમિયાન પોતાને અલગ રાખવાની અપીલ કરી છે 

   મુફ્તી મૌલાના શહાબુદ્દીન રઝવી બરેલવીએ નવા વર્ષની ઉજવણી સંદર્ભે ફતવો બહાર પાડતા જણાવ્યું હતું કે આ પ્રસંગે નવા વર્ષની ઉજવણી કરવી, અભિનંદન આપવો અને કાર્યક્રમોનું આયોજન ઇસ્લામી શરિયતની વિરુદ્ધ છે. તેમણે મુસ્લિમ સમાજને ખાસ કરીને યુવાનો અને યુવતીઓને આ બિન-ઈસ્લામિક પરંપરામાં સામેલ ન થવા અપીલ કરી હતી. મૌલાનાએ કહ્યું કે આવી ઘટનાઓ ટાળવી જોઈએ. તેમણે યુવાનોને ઇસ્લામિક માન્યતાઓ અનુસાર જીવન જીવવાની અપીલ કરી છે.