ભારતીય મહિલાઓ પાસે છે અધધધ ૨૪૦૦૦ ટન ગોલ્ડ
ભારતીય મહિલાઓનો સુવર્ણ પ્રેમ : દુનિયાના કુલ સોનાના જથ્થાના ૧૧ ટકા ભારતીય મહિલાઓ પાસે
નવી દિલ્હી, તા.૩૦: વર્લ્ડ ગોલ્ડ કાઉન્સિલ અનુસાર, ભારતીય મહિલાઓ સામૂહિક રીતે લગભગ ૨૪,૦૦૦ ટન સોનાની માલિકી ધરાવે છે, જે દાગીનાના સ્વરૂપમાં વિશ્વના કુલ સોનાના ભંડારનો લગભગ ૧૧% હિસ્સો છે. ભારતીય મહિલાઓની માલિકીનું કુલ સોનું ટોચના પાંચ દેશોના સંયુક્ત સોનાના ભંડાર કરતાં વધુ છે. સરખામણી માટે, યુનાઇટેડ સ્ટેટ્સ પાસે ૮,૦૦૦ ટન સોનું, જર્મની પાસે ૩,૩૦૦ ટન, ઇટાલી પાસે ૨,૪૫૦ ટન, ફ્રાન્સ ૨,૪૦૦ ટન અને રશિયા પાસે ૧,૯૦૦ ટન સોનું છે. જો આ રાષ્ટ્રોના સંયુક્ત ભંડારને ધ્યાનમાં લેવામાં આવે તો પણ તેઓ ભારતમાં મહિલાઓની માલિકીના સોનાના જથ્થાથી ઓછું છે.
ઓક્સફર્ડ ગોલ્ડ ગ્રૂપના એક અહેવાલ મુજબ, ભારતીય પરિવારો વિશ્વનું કુલ ૧૧% સોનું ધરાવે છે જે યુનાઇટેડ સ્ટેટ્સ, ઇન્ટરનેશનલ મોનેટરી ફંડ (IMF), સ્વિટ્ઝર્લૅન્ડ અને જર્મનીની સંયુક્ત અનામત કરતાં વધુ છે.
દક્ષિણ ભારતમાં મહિલાઓ પાસે સોનું નોંધપાત્ર પ્રમાણમાં છે. દક્ષિણ પ્રદેશમાં ભારતના કુલ સોનાનો ૪૦% હિસ્સો છે, જેમાં એકલા તમિલનાડુનો હિસ્સો ૨૮% છે.
ભારતના આવકવેરા કાયદા અનુસાર, પરિણીત મહિલાઓને ૫૦૦ ગ્રામ સુધી સોનું રાખવાની છૂટ છે, જ્યારે અવિવાહિત મહિલાઓને ૨૫૦ ગ્રામ સુધીની મર્યાદાની મંજૂરી છે. તેની સરખામણીમાં, પુરૂષો માત્ર ૧૦૦ ગ્રામ સોનું રાખવા માટે પ્રતિબંધિત છે.
ભારતીય સંસ્કળતિમાં સોનું મહત્વનો ભાગ ભજવે છે સંપત્તિનું પ્રતીક અને ભવિષ્યને સુરક્ષિત કરતી વસ્તુ તરીકે જોવાય છે.(
(10:37 AM IST)
છેલ્લા 8 દિવસમાં સૌથી લોકપ્રિય 
