નવી દિલ્હી : કોંગ્રેસ અધ્યક્ષ મલ્લિકાર્જુન ખડગેએ ટ્વીટ કર્યું, 'પેપર લીક અને હેરાફેરીને છુપાવવા માટે બિહારની એનડીએ સરકાર દ્વારા BPSC ઉમેદવારો પર ક્રૂર લાઠીચાર્જ અને અમાનવીય અત્યાચાર કરવામાં આવ્યો છે. સરમુખત્યારશાહીનો દંડો ચલાવીને યુવાનોનું મનોબળ તોડવાનો પ્રયાસ અત્યંત શરમજનક અને નિંદનીય છે. 

 મલ્લિકાર્જુન ખડગેએ આરોપ લગાવ્યો કે ભાજપના લોકોએ દેશભરમાં પેપર લીક માફિયાની જાળી ફેલાવી છે, જેના કારણે યુવાનોનું ભવિષ્ય બરબાદ થઈ રહ્યું છે. છેલ્લા 7 વર્ષમાં 70 થી વધુ પેપર લીક થયા છે. BPSCની પરીક્ષામાં 3.28 લાખ યુવાનોનું ભવિષ્ય લટકી રહ્યું છે. જ્યારે હેરાફેરી પકડાય છે, ત્યારે ભાજપ નિર્લજ્જતાથી તેનો ઇનકાર કરે છે અથવા લાઠીચાર્જ કરીને યુવાનોને ચૂપ કરવા માંગે છે.