૨૦ રાજ્યો-કેન્દ્રશાસિત પ્રદેશો ગાઢ ધુમ્મસ હેઠળઃ ઠંડીથી ૧૫ના મોત
ઉત્તરપશ્ચિમમાં જમ્મુ અને કાશ્મીરથી ઉત્તરપૂર્વમાં ત્રિપુરા સુધી ૨૦ રાજ્યો અને કેન્દ્રશાસિત પ્રદેશોમાં ગાઢ ધુમ્મસની ચાદર છવાયેલી છે : ધુમ્મસને કારણે માર્ગ, રેલ અને હવાઈ ટ્રાફિકને પણ ગંભીર અસર : ગાઢ ધુમ્મસને કારણે, પાલમ સહિત દિલ્હીના ઘણા વિસ્તારોમાં સવારે ૪:૦૦ થી ૭:૩૦ વચ્ચે દૃશ્યતા શૂન્ય રહી હતી જેની સીધી અસર હવાઈ સેવા પર પડી હતી : ઈન્દિરા ગાંધી ઈન્ટરનેશનલ એરપોર્ટ પર ૧૦૦થી વધુ ફ્લાઈટ્સનું આગમન અને પ્રસ્થાન મોડું થયું હતું
નવી દિલ્હી, તા.૬: ગાત્રો થીજાવતી ઠંડી વચ્ચે ઉત્તર ભારતમાં પણ ગાઢ ધુમ્મસ છવાઈ ગયું છે. ઉત્તર ભારતના ઘણા ભાગોમાં સતત ચોથા દિવસે ગાઢ ધુમ્મસ છવાયેલું રહ્યું હતું. ઉત્તરપશ્ચિમમાં જમ્મુ અને કાશ્મીરથી ઉત્તરપૂર્વમાં ત્રિપુરા સુધી ૨૦ રાજ્યો અને કેન્દ્રશાસિત પ્રદેશોમાં ગાઢ ધુમ્મસની ચાદર છવાયેલી છે. ઘણા વિસ્તારોમાં વિઝિબિલિટી શૂન્ય રહી હતી. ધુમ્મસને કારણે માર્ગ, રેલ અને હવાઈ ટ્રાફિકને પણ ગંભીર અસર થઈ હતી.
ધુમ્મસના કારણે ૧૨ ફ્લાઈટ કેન્સલ કરવી પડી હતી. ૧૦૦થી વધુ ફ્લાઈટ્સ મોડી પડી હતી. ધુમ્મસના કારણે ૫૧ ટ્રેનો પણ મોડી દોડી હતી. ઠંડીએ ૧૫ લોકોના જીવ પણ લીધા હતા. જમ્મુ અને કાશ્મીરના કિશ્તવાડમાં શનિવારે મોડી રાત્રે વરસાદ અને હિમવર્ષાને કારણે એક વાહન રસ્તા પરથી લપસી ગયું અને નાળામાં પડી ગયું. તેમાં છ લોકો હતા, જેઓ આખી રાત ત્યાં જ રહ્યા. સવારે અકસ્માતની જાણ થઈ ત્યાં સુધીમાં તેમાંથી ચાર લોકો ઠંડીના કારણે મળત્યુ પામ્યા હતા. ડ્રાઈવર સહિત બે લાપતા છે. યુપીમાં ઠંડીના કારણે ૭ લોકોના મોત થયા છે. જેમાં હમીરપુરમાં ૫, ભદોહી અને મહોબામાં એક-એક મળત્યુનો સમાવેશ થાય છે. તે જ સમયે, પંજાબના ફિરોઝપુરમાં ધુમ્મસના કારણે એક માર્ગ અકસ્માતમાં બે લોકોએ જીવ ગુમાવ્યો હતો.
દિલ્હીમાં સાડા ત્રણ કલાક સુધી ઝીરો વિઝિબિલિટી : ગાઢ ધુમ્મસને કારણે, પાલમ સહિત દિલ્હીના ઘણા વિસ્તારોમાં સવારે ૪:૦૦ થી ૭:૩૦ વચ્ચે દૃશ્યતા શૂન્ય રહી હતી. જેની સીધી અસર હવાઈ સેવા પર પડી હતી. ઈન્દિરા ગાંધી ઈન્ટરનેશનલ એરપોર્ટ પર ૧૦૦થી વધુ ફ્લાઈટ્સનું આગમન અને પ્રસ્થાન મોડું થયું હતું. શ્રીનગર અને ચંદીગઢ એરપોર્ટ પર પણ વિઝિબિલિટી ઘટીને ૫૦ મીટર થઈ ગઈ હતી, જેના કારણે સવારે બંને જગ્યાએથી અનુક્રમે ૧૦ અને બે ફ્લાઈટ્સ રદ કરવી પડી હતી.
ધુમ્મસના કારણે ૫૧ ટ્રેનો પણ મોડી પડી હતી, જેમાં મોટાભાગની ટ્રેનો દેશના વિવિધ ભાગોમાંથી રાષ્ટ્રીય રાજધાનીમાં આવી રહી હતી. જયપુર-ભટિંડા ત્રણ કલાક, ગોરખધામ સુપરફાસ્ટ પાંચ કલાક, સિરસા એક્સપ્રેસ છ કલાક મોડી પડી હતી.
જમ્મુ અને કાશ્મીરના કોકરનાગમાં સૌથી ઓછું લઘુત્તમ તાપમાન -૮.૧ ડિગ્રી નોંધાયું હતું. મેદાની વિસ્તારોમાં, મધ્ય પ્રદેશના મંડલામાં લઘુત્તમ લઘુત્તમ ૪.૦ ડિગ્રી સેલ્સિયસ નોંધાયું હતું. દિલ્હીમાં લઘુત્તમ તાપમાન ૯ ડિગ્રી અને ગાઝિયાબાદ અને નોઇડામાં ૮ ડિગ્રી હતું.(
(11:07 AM IST)
છેલ્લા 8 દિવસમાં સૌથી લોકપ્રિય 
