ન્યૂયોર્ક: નાસાના જણાવ્યા પ્રમાણે આકાશમાં ૨૧ થી ૩૧ જાન્યુઆરી સુધી (૧૦ દિવસ) રાત્રે ૮-૩૦ થી ૧૧-૩૦ દરમિયાન એક દૂર્લભ ખગોળીય ઘટના બનવાની છે. જેમાં શુક્ર, મંગળ, ગુરુ, શનિ, યુરેનર અને નેપ્ચ્યુન ગ્રહ એક- બીજાથી કરોડો કિલોમીટર દૂર હોવા છતાં આ ૬ ગ્રહો એક સાથે લાઇનમાં પુરી દુનિયામાં જોવા મળશે. તેમાં ચાર ગ્રહો શુક્ર, મંગળ, ગુરુ અને શનિ નરી આંખે જોઈ શકાશે, જ્યારે નેપચ્યૂન અને યૂરેનસને જોવા માટે દૂરબીનની જરૂરત પડશે. આ ઘટનાને “ગ્રહો” ની પરેડ કહેવામાં આવે છે.

આ ઘટના ફરી ૮ માર્ચે જોવા મળશે :- તેમાં ૭ ગ્રહ મંગળ, ગુરુ, યૂરેનસ ,શુક્ર, નેપચ્યૂન, શનિ,બુધ એક સાથે લાઈનમાં જોવા મળશે. આ પ્રકારની બંને ઘટનાઓમાં મંગળ ગ્રહ સૌથી ચમકીલો જોવા મળશે. તે સૂર્યાસ્ત સમયે પૂર્વ દિશામાં ઉગશે અને સંપૂર્ણ રાત્રિ દરમિયાન જોવા મળશે, સૂર્યાદય સમયે પશ્ચિમ દિશામાં અસ્ત થતો જોવા મળશે.