છેલ્લા 8 દિવસમાં સૌથી લોકપ્રિય સમગ્ર ગુજરાતમાં કેસરિયો લહેરાયો 1:25 PM
રાજકોટ ફરી ભાજપનો ગઢ સાબિત 3:37 PM
મોંઘી મિલકતમાં દુબઈ પાછળ રહી ગયું! અલ્ટ્રા-લક્ઝરી પ્રોપર્ટીના સંદર્ભમાં ગુરુગ્રામનો ડંકો
મોંઘી મિલકતના મામલામાં મુંબઇ પણ ગુરૂગ્રામથી પાછળ
નવી દિલ્હી, તા.૮: જો તમને લાગે છે કે દુબઈમાં મોંઘા ફ્લેટ ઉપલબ્ધ છે તો તમારી વિચારસરણી બદલો. આપણા દેશનું એક શહેર મોંઘી અલ્ટ્રા-લક્ઝરી પ્રોપર્ટીના મામલામાં દુબઈને પાછળ છોડી ગયું છે. એટલું જ નહીં મુંબઈ અને બેંગલુરુ જેવા મોટા શહેરો પણ આના કારણે પાછળ રહી ગયા છે. આ શહેર બીજું કોઈ નહીં પણ એનસીઆરનું ગુરુગ્રામ છે. અલ્ટ્રા-લક્ઝરી પ્રોપર્ટીના સંદર્ભમાં ગુરુગ્રામ ઘણું આગળ આવ્યું છે.
હાલમાં દેશમાં લક્ઝરી હાઉસિંગ પ્રોપર્ટીની માંગ નોંધપાત્ર રીતે વધી રહી છે. વર્ષ ૨૦૨૪માં ઘણા લોકોએ કરોડો રૂપિયાના ફ્લેટ અને અન્ય હાઉસિંગ પ્રોજેક્ટ ખરીદ્યા હતા. આવી સ્થિતિમાં, વર્ષ ૨૦૨૪ ભારતના લક્ઝરી રિયલ એસ્ટેટ માર્કેટ માટે મહત્વપૂર્ણ વર્ષ સાબિત થયું છે. ફાયનાન્સિયલ એક્સપ્રેસના એક સમાચાર અનુસાર, ગુરુગ્રામથી મુંબઈ સુધી સુપર-લક્ઝરી હાઉસિંગ પ્રોજેક્ટ્સની માંગ વધી રહી છે.
ગુરુગ્રામે લક્ઝરી રિયલ એસ્ટેટ કેટેગરીમાં મુંબઈ અને દુબઈને ટક્કર આપી છે. ગુરુગ્રામનો DLF કેમેલીયાસ પ્રોજેક્ટ ડિસેમ્બર ૨૦૨૪ સુધી ભારતની રિયલ એસ્ટેટ હેડલાઇન્સમાં વર્ચસ્વ જાળવી રાખે છે. આ પ્રોજેક્ટમાં ઘણી મોંઘી ડીલ કરવામાં આવી હતી. આવી સ્થિતિમાં, ગુરુગ્રામે અલ્ટ્રા-લક્ઝરી સેગમેન્ટમાં મુંબઈ અને દુબઈ બંનેને પાછળ છોડી દીધા છે.
ORAM ડેવલપમેન્ટ્સના ઘ્પ્ઝ પ્રદીપ મિશ્રાના જણાવ્યા અનુસાર, એક બિઝનેસમેને DLF Camelliasમાં ૧૯૦ કરોડ રૂપિયામાં ૧૬,૨૯૦ ચોરસ ફૂટનું પેન્ટહાઉસ ખરીદ્યું હતું. આ કિંમત પ્રતિ ચોરસ ફૂટ રૂપિયા ૧.૮૦ લાખ જેટલી છે. આવી સ્થિતિમાં, કેમેલીઆસ ભારતમાં સૌથી મોંઘા હાઇ-રાઇઝ કોન્ડોમિનિયમ તરીકે મોખરે રહયું.
કયાં અને કેટલી કિંમત?
જુહુ મુંબઈનો સૌથી પોશ વિસ્તાર માનવામાં આવે છે. ORAM ડેવલપમેન્ટ્સ અનુસાર, અહીં પ્રોપર્ટીની સરેરાશ કિંમત રૂ. ૫૫ હજારથી રૂ. ૬૦ હજાર પ્રતિ ચોરસ ફૂટ છે. જ્યારે મલબાર હિલમાં આ કિંમત ૫૦ હજારથી ૫૫ હજાર રૂપિયા પ્રતિ સ્ક્વેર ફૂટ છે.
જો આપણે દુબઈની વાત કરીએ તો અહીં સિલિકોન ઓએસિસમાં પ્રોપર્ટીની સરેરાશ કિંમત ૪૦ હજાર રૂપિયા પ્રતિ સ્ક્વેર ફૂટ છે. પામ જુમેરાહ દુબઈમાં ખૂબ જ લોકપ્રિય સ્થળ છે. અહીં સમુદ્રની ઉપર એક કોલોની બનાવવામાં આવી છે. અહીં પ્રોપર્ટીની કિંમત સૌથી વધુ છે, જે લગભગ ૧ લાખ રૂપિયા પ્રતિ સ્ક્વેર ફૂટથી શરૂ થાય છે અને ૧૦ લાખ રૂપિયા પ્રતિ સ્ક્વેર ફૂટ સુધી જાય છે.
ગુરુગ્રામ કેટલું આગળ છે?
જો આપણે મોંઘી મિલકત પર નજર કરીએ તો, ગુરુગ્રામ હાલમાં દુબઈને સખત સ્પર્ધા આપી રહ્યું છે. કેટલાક કિસ્સાઓમાં તે દુબઈ કરતા પણ આગળ નીકળી ગયો છે. તે જ સમયે, દેશની સૌથી મોંઘી મિલકત માત્ર ગુરુગ્રામમાં વેચવામાં આવી છે. નિષ્ણાતોના મતે ગુરુગ્રામમાં પ્રોપર્ટીની કિંમતો આગામી સમયમાં ઝડપથી વધી શકે છે.(
(10:24 AM IST)
