ઉત્તર પ્રદેશના વારાણસીમાં પોલીસે ચાઈનીઝ માંઝા પર પ્રતિબંધ લગાવવાનો મોટો નિર્ણય લીધો છે. એક ઐતિહાસિક નિર્ણય લેતા પુલિસે ચાઈનીઝ માંજા ખરીદનારાઓને વેચનારાઓની જેમ જ દોષિત જાહેર કર્યા છે. ચાઈનીઝ માંઝા પર સંપૂર્ણ પ્રતિબંધ લગાવતા વહીવટીતંત્રે ડ્રોનથી તેની દેખરેખ રાખવાનો નિર્ણય કર્યો છે.

ચાઈનીઝ માંઝા વેચતા લોકોની ઓળખ કરીને પોલીસ કાર્યવાહી કરશે. સાથે જ જો કોઈ વ્યક્તિ પોલીસને વેચનાર વિશે કોઈ માહિતી આપશે તો તેનું નામ ગુપ્ત રાખવામાં આવશે અને પોલીસ ચાઈનીઝ માંઝા વેચનારાઓ તેમજ માંઝા ખરીદનારાઓ સામે ગુનો દાખલ કરશે. પ્રશાસનનું કહેવું છે કે જે લોકો ચાઈનીઝ માંઝા ખરીદી રહ્યા છે તેમને લોકોના જીવની કોઈ પરવા નથી. આવી સ્થિતિમાં ચાઈનીઝ માંઝા ખરીદનારાઓ સામે પણ કાર્યવાહી કરવામાં આવશે. જે બાદ માનવામાં આવી રહ્યું છે કે જિલ્લામાં ચાઈનીઝ માંઝાના ઉપયોગ પર પ્રતિબંધ લાગી શકે છે.

ચાઈનીઝ માંઝાના પતંગ ઉડાડનારાઓને ડ્રોનનો ઉપયોગ કરીને ઓળખવામાં આવશે અને તેમની સામે કાર્યવાહી કરવામાં આવશે. તમામ માતા-પિતા અને વાલીઓને ચાઈનીઝ માંઝાના ઉપયોગની સ્વ-તપાસ કરવાનો પણ નિર્દેશ આપવામાં આવ્યો છે. જેથી ફરી કોઈ ઘટના ન બને. જિલ્લા મેજિસ્ટ્રેટે જણાવ્યું હતું કે માતા-પિતાની જવાબદારી છે કે બાળકોએ ચાઈનીઝ માંઝા સાથે પતંગ ન ઉડાવી જોઈએ. પોલીસે કહ્યું છે કે જો કોઈ સગીર ચાઈનીઝ માંજાનો ઉપયોગ કરતો જોવા મળશે તો તેના માતા-પિતા વિરુદ્ધ કાર્યવાહી કરવામાં આવશે.

પોલીસે એમ પણ કહ્યું છે કે જો કોઈ સગીર બાળક ચાઈનીઝ માંઝાનો ઉપયોગ કરતું જોવા મળશે તો તેના માતા-પિતાને સંબંધિત પોલીસ સ્ટેશનમાં બોલાવીને કાર્યવાહી કરવામાં આવશે. ચાઈનીઝ માંઝાનો ઉપયોગ કરતા પુખ્ત વયના લોકો સામે પણ કડક કાર્યવાહી કરવામાં આવશે. જે વિસ્તારમાં ઘટના બની છે ત્યાં ચાઈનીઝ માંજાનું વેચાણ કરનારાઓની ઓળખ કરીને કાર્યવાહી કરવામાં આવશે.