નવી દિલ્‍હીઃ મની લોન્ડરિંગ કેસમાં સુકેશએ નાણામંત્રીને પત્ર લખી કર ચુકવવાની તૈયારી દર્શાવી છે. સુકેશે એમ પણ કહ્યું કે તેમની કંપનીઓનું સંચાલન યુએસ, સ્પેન, યુકે, દુબઈ અને હોંગકોંગમાં થાય છે. તેણે ભારતમાં બાકી રહેલા કર વસૂલાતના કેસ અને અપીલોનો ઉકેલ લાવવાની તૈયારી દર્શાવતા, રૂ. ૭,૬૪૦ કરોડ કર ચૂકવવાની ઓફર કરી છે.કરોડો રૂપિયાના છેતરપિંડીના કેસમાં લાંબા સમયથી જેલમાં રહેલા છેતરપિંડી કરનાર સુકેશ ચંદ્રશેખરે કેન્દ્રીય નાણામંત્રી નિર્મલા સીતારમણને પત્ર લખીને પોતાની વિદેશી આવકનો ખુલાસો કર્યો છે. સુકેશે ૨૦૨૪-૨૫ માટે ભારત સરકારની યોજનાના નિયમો અનુસાર પોતાની આવક જાહેર કરવાની અને કર ચૂકવવાની ઓફર કરી છે. સુકેશ પર કરોડો રૂપિયાની છેતરપિંડી અને મની લોન્ડરિંગના અનેક કેસોનો આરોપ છે. એન્ફોર્સમેન્ટ ડિરેક્ટોરેટ તેની સામે 200 કરોડ રૂપિયાના મની લોન્ડરિંગ કેસની તપાસ કરી રહ્યું છે. આ સંબંધમાં તેણે આ પગલું ભર્યું છે.જણાવ્યું- ૨.૭ અબજ ડોલરનો વ્યવસાય

હકીકતમાં સુકેશે પત્રમાં જણાવ્યું હતું કે તેની વિદેશી કંપનીઓ, એલએસ હોલ્ડિંગ્સ ઇન્ટરનેશનલ (નેવાડા, યુએસએમાં નોંધાયેલ) અને સ્પીડ ગેમિંગ કોર્પોરેશન (બ્રિટિશ વર્જિન આઇલેન્ડ્સમાં નોંધાયેલ), ઓનલાઈન/ઓફલાઈન ગેમિંગ અને સટ્ટાબાજીનો વ્યવસાય કરે છે. આ વ્યવસાયો 2016 થી કાર્યરત છે અને 2024 માં કુલ 2.7 અરબ ડોલર (આશરે ₹22,000 કરોડ) નું ટર્નઓવર ધરાવે છે.

સુકેશે એમ પણ કહ્યું કે તેમની કંપનીઓનું સંચાલન યુએસ, સ્પેન, યુકે, દુબઈ અને હોંગકોંગમાંથી થાય છે. તેણે ભારતમાં બાકી રહેલા કર વસૂલાતના કેસ અને અપીલોનો ઉકેલ લાવવાની તૈયારી દર્શાવતા 7,640 કરોડ કર ચૂકવવાની તૈયારી દર્શાવી છે. તેણે ભારતમાં ટેકનોલોજી અને અદ્યતન ઓનલાઈન કૌશલ્ય ગેમિંગ ક્ષેત્રમાં ભંડોળનું રોકાણ કરવાની ઇચ્છા પણ વ્યક્ત કરી.

સુકેશ પર કરોડો રૂપિયાની છેતરપિંડી અને મની લોન્ડરિંગના અનેક કેસોનો આરોપ છે. એન્ફોર્સમેન્ટ ડિરેક્ટોરેટ (ED) તેમની સામે 200 કરોડ રૂપિયાના મની લોન્ડરિંગ કેસની તપાસ કરી રહ્યું છે. આ કેસ રેનબેક્સીના ભૂતપૂર્વ પ્રમોટરો શિવિન્દર અને મલવિન્દર સિંહની પત્નીઓ પાસેથી 200 કરોડ રૂપિયાની કથિત છેતરપિંડી સાથે સંબંધિત છે.

 સુકેશનું નામ બોલિવૂડ અભિનેત્રી જેક્લીન ફર્નાન્ડીઝ સાથે પણ જોડાયું હતું. જોકે જેક્લીને કોઈપણ પ્રેમ સંબંધનો ઇનકાર કર્યો છે, તે આ કેસમાં આરોપી છે અને ED દ્વારા તેની ઘણી વખત પૂછપરછ કરવામાં આવી છે. હાલમાં સુકેશના આ પત્ર બાદ તેમનો મામલો ફરી ચર્ચામાં આવ્યો છે. હવે જોવાનું એ રહે છે કે સરકાર આ અંગે શું વલણ અપનાવે છે.