નવી દિલ્‍હીઃ જો તમે પણ એવી યોજના શોધી રહ્યા છો જેમાં મહિલાઓ સુરક્ષિત રીતે રોકાણ કરી શકે અને સારું વળતર મેળવી શકે, તો આ સમાચાર તમારા માટે છે. ભારત સરકારે મહિલાઓ માટે એક ખાસ યોજના શરૂ કરી છે, જે બેંક એફડી કરતા વધુ સારું વળતર આપે છે. આ યોજના મહિલા સન્માન બચત પ્રમાણપત્ર તરીકે ઓળખાય છે.

આ યોજના ખાસ કરીને મહિલાઓ અને સગીર છોકરીઓ માટે બનાવવામાં આવી છે. આ માત્ર સુરક્ષિત રોકાણ વિકલ્પ નથી, પરંતુ બેંક FD કરતા પણ વધુ વળતર આપે છે. આ યોજનામાં રોકાણ કરવાની છેલ્લી તારીખ 31 માર્ચ 2025 છે. કોઈપણ ભારતીય મહિલા કે કોઈપણ ઉંમરની સગીર છોકરી આ યોજનામાં રોકાણ કરી શકે છે. માતા-પિતા અથવા વાલી સગીર માટે ખાતું ખોલાવી શકે છે.

 આ યોજના હેઠળ મહિલાઓ 1,000 રૂપિયાથી 2,00,000 રૂપિયા સુધીનું રોકાણ કરી શકે છે. જોકે, ખાતું બંધ થયા પછી, નવું ખાતું ખોલવા માટે ઓછામાં ઓછા ત્રણ મહિના રાહ જોવી પડશે.

 મહિલા સન્માન બચત પ્રમાણપત્ર યોજના પર 7.5% વાર્ષિક વ્યાજ આપવામાં આવી રહ્યું છે. તેની સરખામણીમાં, સામાન્ય ગ્રાહકોને દેશની મોટી બેંકોની 2 વર્ષની FD પર ઓછું વ્યાજ મળે છે. દાખ્લા તરીકે:

 SBI: 6.80% (સામાન્ય ગ્રાહકો માટે)

 HDFC બેંક: ૭.૦૦%

 એક્સિસ બેંક: ૭.૧૦%

 પોસ્ટ ઓફિસ ટર્મ ડિપોઝિટ (2 વર્ષ): 7.00%

જો તમે આ યોજનામાં 2 લાખ રૂપિયાનું રોકાણ કરો છો, તો 2 વર્ષ પછી તમને 32,044 રૂપિયાનું વ્યાજ મળશે. આ રીતે, તમને પાકતી મુદત પર કુલ 2,32,044 રૂપિયા મળશે. આ યોજના હેઠળ, ખાતું ખોલ્યાના એક વર્ષ પછી આંશિક ઉપાડનો વિકલ્પ પણ છે. તમે જમા રકમના 40 ટકા સુધી ઉપાડી શકો છો.