મારી દીકરીના લગ્ન માટે બોસ મને રજા નથી આપતા.. રેલવે કર્મચારીએ ઓફિસમાં ફાંસી લગાવી આત્મહત્યા કરી
જયપુરમાં એક રેલ્વે કર્મચારીએ પોતાની ઓફિસમાં ફાંસી લગાવીને આત્મહત્યા કરી લીધીઃ તેમણે એક સુસાઇડ નોટ પણ છોડી દીધી જેમાં તેમણે લખ્યું હતું કે તેઓ કામ પર થતી હેરાનગતિ અને વરિષ્ઠ અધિકારીઓ દ્વારા તેમની પુત્રીના લગ્ન માટે રજા ન આપવાને કારણે નાખુશ હતા
જયપુર, તા.૨૧: રાજસ્થાનના જયપુરથી એક હૃદયદ્રાવક ઘટના પ્રકાશમાં આવી છે. અહીં એક રેલ્વે કર્મચારીએ પોતાની ઓફિસમાં ફાંસી લગાવીને આત્મહત્યા કરી લીધી. પોલીસે જણાવ્યું હતું કે ઉત્તર પશ્ચિમ રેલ્વે મુખ્યાલયમાં તૈનાત એક સહાયક ઓફિસ સુપરિન્ટેન્ડેન્ટે કથિત રીતે અગ્નિશામક નળીથી લટકીને આત્મહત્યા કરી હતી.
તેમણે એક સુસાઇડ નોટ પણ છોડી દીધી જેમાં તેમણે લખ્યું હતું કે તેઓ કામ પર થતી હેરાનગતિ અને વરિષ્ઠ અધિકારીઓ દ્વારા તેમની પુત્રીના લગ્ન માટે રજા ન આપવાને કારણે નાખુશ હતા. ૫૯ વર્ષીય નરસિંહ મીણા એક વર્ષ પછી નિવળત્ત થવાના હતા. તેમણે સોમવારે સાંજે આ આત્મઘાતી પગલું ભર્યું. જવાહર સર્કલ પોલીસ સ્ટેશનના ઇન્ચાર્જ વિનોદ સાંખલાએ જણાવ્યું હતું કે, તે રાબેતા મુજબ પોતાની ઓફિસ પહોંચ્યો અને પછી અચાનક પોતાનો મોબાઇલ અને ટિફિન ડેસ્ક પર મૂકીને ચાલ્યો ગયો. બપોરે લંચ સમયે જ્યારે તે તેના મિત્રોને દેખાયો નહીં, ત્યારે તેની શોધ શરૂ કરવામાં આવી. તે તેની ઓફિસના રેકોર્ડ રૂમમાં ફાયર નળીથી લટકતો મળી આવ્યો હતો. આ જોતાંની સાથે જ પોલીસને જાણ કરવામાં આવી.
ઘટનાસ્થળેથી મળેલી સુસાઇડ નોટમાં દાવો કરવામાં આવ્યો છે કે તેમને તેમના વરિષ્ઠ અધિકારીઓ દ્વારા હેરાન કરવામાં આવી રહ્યા હતા. આ ઉપરાંત, તેમને તેમની પુત્રીના લગ્ન માટે રજા આપવાનો સ્પષ્ટ ઇનકાર કરવામાં આવ્યો હતો. મળતકના સસરા અને તેમના સાથીઓએ આરોપ લગાવ્યો હતો કે મીના સતત તેમના સિનિયરોને રજા માટે વિનંતી કરી રહ્યા હતા પરંતુ તેમને રજા આપવામાં આવી ન હતી.
(3:50 PM IST)
છેલ્લા 8 દિવસમાં સૌથી લોકપ્રિય 
