નવી દિલ્હી : કોરોના રોગચાળા દરમિયાન, વેક્સિનની સાથે, PPE કિટ્સે પણ લોકોના જીવન બચાવવામાં મહત્વપૂર્ણ ભૂમિકા ભજવી હતી. હવે કેરળમાં PPE કિટને લઈને હોબાળો મચી ગયો છે.  ભારતના કોમ્પ્ટ્રોલર અને ઓડિટર જનરલ એટલે કે CAG એ મંગળવારે કેરળમાં PPE કિટની ખરીદીમાં થયેલા કૌભાંડને લઈને એક રિપોર્ટ જાહેર કર્યો છે. આ અહેવાલ કહે છે કે રાજ્યમાં મહામારી દરમિયાન, મુખ્યમંત્રી પિનરાઈ વિજયનની આગેવાની હેઠળની સરકારે PPEની ખરીદીમાં અનિયમિતતા કરી હતી અને કરોડોનું કૌભાંડ પણ થયું હતું. આ પછી વિરોધ પક્ષોએ તેમના પર જોરદાર નિશાન સાધ્યું છે.

CAGના રિપોર્ટ અનુસાર, PPE કિટ ખરીદવા માટે વધારાના 10.23 કરોડ રૂપિયા ખર્ચવામાં આવ્યા હતા. રિપોર્ટમાં આરોપ છે કે કંપનીને ફાયદો પહોંચાડવા સૈન ફાર્મા નામનો ઉપયોગ કરવાનો પ્રયાસ કરવામાં આવ્યો હતો. એવો આરોપ છે કે આ કંપની સૌથી વધુ ભાવે કિટ વેચતી હતી, તેમ છતાં આ કોન્ટ્રાક્ટ કંપનીને આપવામાં આવ્યો હતો અને કંપનીને 100 ટકા રકમ ચૂકવવામાં આવી હતી. નોંધનીય છે કે માર્ચ 2020 માં, શાસક LDF સરકારે કોવિડ -19 મહામારી દરમિયાન PPE કીટ, N95 માસ્ક અને અન્ય સમાન વસ્તુઓની ખરીદી માટે કેરળ મેડિકલ સર્વિસીસ કોર્પોરેશન લિમિટેડ (KMSCL) ને વિશેષ મંજૂરી આપી હતી.

રિપોર્ટ સામે આવતા વિપક્ષે એલડીએફ સરકારને ઘેરી છે. કોંગ્રેસના નેતા વીડી સતીસને એલડીએફ સરકાર પર કોવિડ-19 મહામારી દરમિયાન જીવ બચાવવા કરતાં પોતાના ખિસ્સા ભરવાની વધુ ચિંતા કરવાનો આરોપ લગાવ્યો છે. "CAG રિપોર્ટ COVID-19 રોગચાળા દરમિયાન ભ્રષ્ટાચાર અંગેના વિપક્ષના આક્ષેપોને સમર્થન આપે છે. આ કૌભાંડ મુખ્યમંત્રી અને ભૂતપૂર્વ આરોગ્ય પ્રધાન કેકે શૈલજાની જાણથી થયું હતું," તેમણે જણાવ્યું હતું. જ્યારે કે કે શૈલજાએ કહ્યું કે આ રિપોર્ટની તપાસ ચાલી રહી છે