ગૌતમ અદાણીના દીકરાનાં લગ્ન ૭ ફેબ્રુઆરીએ સાદગીથી થશે
લગ્ન પ્રસંગે કોઈપણ શો અથવા તો સેલિબ્રિટી સ્ટાર્સને ઈન્વાઈટ નથી કર્યા
મુંબઇ, તા.૨૨: ગૌતમ અદાણીના નાના દીકરા જીત અદાણીના લગ્ન સાદગીથી થશે. મીડિયા સાથેની વાતચીતમાં ગૌતમ અદાણીએ જણાવ્યું કે અમે કોમન મેનની જેમ જીવન જીવીએ છીએ અને અમારી પારંપરિક વિધિઓ સાથે સાદગીથી લગ્ન સમારંભના આયોજન કરવાનું પ્લાનિંગ છે. અમે કોમન મેનની જેમ જ આ લગ્ન પ્રસંગની ઉજવણી કરીશું. નોંધનીય છે કે સોશિયલ મીડિયા પર અટકળો વહી રહી હતી કે અદાણી પરિવાર ધામધૂમથી લગ્ન પ્રસંગનું આયોજન કરશે અને ૫૮ દેશોના શેફ હાજરી આપશે તથા ૧૦ હજાર કરોડ રૂપિયાથી વધુનો ખર્ચ થશે. જોકે આ અટકળો વચ્ચે ગૌતમ અદાણીએ જણાવ્યું કે તેઓ કોમન મેનની જેમ જ સાદગીથી તેમના દીકરાના લગ્ન પ્રસંગનું આયોજન કરશે.અબજોપતિ ગૌતમ અદાણીનો નાનો પુત્ર જીત આવતા મહિને લગ્નના પવિત્ર બંધનમાં બંધાવવા જઈ રહ્યો છે. જોકે અદાણી પરિવાર આ સેરેમનીને સાદગીથી ઉજવવા માગે છે. તેમણે લગ્ન પ્રસંગે કોઈપણ શો અથવા તો સેલિબ્રિટી સ્ટાર્સને ઈન્વાઈટ કર્યા નથી. આ એક પરંપરાગત સમારોહ હશે. અગાઉ એવી અટકળો લગાવાઈ રહી હતી કે અદાણી પરિવારના આ લગ્ન પ્રસંગમાં દેશ-વિદેશથી સેલેબ્સ આવશે અને ખાસ પરફોર્મન્સ આપશે. પરંતુ બાદમાં આ તમામ અટકળોનો અંત આવ્યો છે અને અદાણી પરિવાર નોર્મલ સેરેમની સાથે પારંપરિક રીતે જીત અને દિવા શાહના લગ્ન પ્રસંગનું આયોજન કરશે. દિવા શાહ સુરતના ડાયમંડ મર્ચંટ જૈમિન શાહની દીકરી છે.ગૌતમ અદાણીએ મીડિયા સાથેની વાતચીતમાં જણાવ્યું કે મારા દીકરાના લગ્ન પરંપરાગત રીતે અને સાદગીપૂર્ણ અમે ઉજવીશું. અમે સામાન્ય લોકોની જેમ જ લગ્ન પ્રસંગ રાખ્યો છે. તેમને પ્રશ્નો પૂછાયા હતા કે મુકેશ અંબાણીના નાના પુત્ર અનંતના લગ્ન ધામધૂમથી કરાયા હતા તો તમારા ઘરનો આ લગ્ન પ્રસંગ પણ એવો જ હશે. તો એના જવાબમાં ગૌતમ અદાણીએ કહ્યું કે ના ચોક્કસપણે એવું નહીં હોય, અમે સામાન્ય લોકો જેવી રીતે ટ્રેડિશનલ મેરેજ ફંક્શન રાખે છે એવા રાખીશું.
તાજેતરના દિવસોમાં, સોશિયલ મીડિયામાં એવી અટકળો થઈ રહી હતી કે અદાણીના લગ્નમાં મહેમાનોની સૂચિમાં ટેલર સ્વિફ્ટની સાથે ઈલોન મસ્કથી લઈને બિલ ગેટ્સ જેવા દિગ્ગજો પણ હાજરી આપશે. ૨૮ વર્ષીય જીતે માર્ચ ૨૦૨૩માં અમદાવાદમાં એક પ્રાઈવેટ ફંક્શનમાં દિવા સાથે સગાઈ કરી હતી. બાદમાં હવે લગ્ન પણ અમદાવાદમાં જ થવાના છે. સોશિયલ મીડિયા પર એવું અનુમાન લગાવવામાં આવી રહ્યું હતું કે મોટેરા સ્ટેડિયમમાં અદાણી પરિવારના ભવ્ય વેડિંગ ફંક્શનનું આયોજન કરાશે, જેના માટે ભારત-ઈંગ્લેન્ડ વચ્ચેની વન-ડે ઈન્ટરનેશનલ ક્રિકેટ મેચને પણ શિફ્ટ કરાઈ શકે છે. એટલું જ નહીં આ લગ્ન પ્રસંગમાં ૫૮ દેશોના શેફ, ૧,૦૦૦ સુપર કાર, સેંકડો પ્રાઈવેટ જેટ અને પ્રોફેશનલ્સની હાજરીની અપેક્ષા હતી. જે વેડિંગ માટે ૧૦,૦૦૦ કરોડ રૂપિયાથી વધુનો ખર્ચ થઈ શકે છે.સંગમ ખાતે ગંગા માતાની આરતી કર્યા પછી અદાણીએ કહયું કે, ‘‘મારો ઉછેર અને અમારી ડે ટૂ ડે રૂટિન લાઈફ તથા ઉજવણી કરવાની રીત શ્રમજીવી વર્ગના સામાન્ય વ્યક્તિની જેમ છે. અમે કોમન મેનની જેમ જ સિમ્પલ સેરેમની સાથે લગ્નનું આયોજન કર્યું છે. મારો દીકરો જીત પણ અહીં મા ગંગાના આશીર્વાદ લેવા માટે આવ્યો છે
(3:48 PM IST)
છેલ્લા 8 દિવસમાં સૌથી લોકપ્રિય 
