કપિલ શર્મા-રાજપાલ યાદવ-સુગંધા-રેમો ડિસોઝાને મારી નાખવા ધમકી
ઈ-મેઈલમાં ધમકી આપવામાં આવી છે કે જો ૮ કલાકમાં પ્રત્યુત્તર નહી મળે તો કાર્યવાહી કરશું : પાકિસ્તાનથી આવ્યો ઈ-મેઈલઃ પોલીસ ફરિયાદઃ તપાસનો ધમધમાટ
મુંબઈ, તા.૨૩: કોમેડિયન કપિલ શર્મા સહિત ત્રણ બોલિવૂડ કલાકારોને ઇમેઇલ દ્વારા ધમકી આપવાનો મામલો પ્રકાશમાં આવ્યો છે. સૂત્રોના જણાવ્યા અનુસાર, કપિલ શર્મા ઉપરાંત, જે અન્ય કલાકારોને ધમકી આપવામાં આવી છે તેમાં રાજપાલ યાદવ, રેમો ડિસોઝા અને સુગંધા મિશ્રાનો સમાવેશ થાય છે. મુંબઈ પોલીસે કલાકારોને મળેલી ધમકીઓ અંગે કેસ નોંધીને તપાસ શરૂ કરી છે. પોલીસ સૂત્રોના જણાવ્યા અનુસાર, રાજપાલ યાદવ અને સુગંધા મિશ્રાએ પોલીસમાં FIR નોંધાવી છે જ્યારે રેમો ડિસોઝાએ પણ ફરિયાદ નોંધાવી છે.
સૂત્રોના જણાવ્યા અનુસાર, બધા કલાકારોને આ ધમકી ઇમેઇલ દ્વારા મળી છે અને ઇમેઇલના અંતે બિશ્નોઈનું નામ લખેલું છે. સૂત્રોએ દાવો કર્યો છે કે શરૂઆતની તપાસમાં જાણવા મળ્યું છે કે આ ઇમેઇલ પાકિસ્તાનથી મોકલવામાં આવ્યો હતો. આ મામલે હાલમાં વધુ તપાસ ચાલી રહી છે.
રાજ પાલ યાદવને આ ધમકીભર્યો મેઇલ ૧૪ ડિસેમ્બરે મળ્યો હતો, ૧૭ ડિસેમ્બરે FIR દાખલ કરવામાં આવી હતી. રેમોને પણ એક અઠવાડિયા પહેલા આ ધમકીભર્યો મેઇલ મળ્યો હતો. આ મેઇલ રાજપાલના મેઇલના સ્પામ બોક્સમાં પડ્યો હતો.
જે માહિતી બહાર આવી છે તે મુજબ, મેઇલ મોકલનાર વ્યક્તિએ પોતાનું નામ વિષ્ણુ જણાવ્યું છે. જે મેઇલ આઈડી પરથી મેઇલ આવ્યો છે તે છે - [email protected]. મેલમાં એવો દાવો કરવામાં આવ્યો છે કે જે વ્યક્તિએ મેઇલ મોકલ્યો છે તે આ સેલેબ્સની ગતિવિધિઓ પર નજર રાખી રહ્યો છે. તે જ સમયે, મેલમાં કહેવામાં આવ્યું હતું કે આ મેઇલ કોઈ પબ્લિસિટી સ્ટંટ નથી.
ત્રણેયને મોકલવામાં આવેલા ધમકીભર્યા ઈમેલમાં લખ્યું છે, અમે તમારી તાજેતરની પ્રવળત્તિઓ પર નજર રાખી રહ્યા છીએ અને અમારું માનવું છે કે અમે તમારા ધ્યાન પર એક સંવેદનશીલ બાબત લાવીએ તે મહત્વપૂર્ણ છે. આ કોઈ પબ્લિસિટી સ્ટંટ અથવા તમારા માટે ધમકી હોઈ શકે છે. આ કોઈ પ્રયાસ નથી કે હેરાનગતિ. અમે તમને આ સંદેશને ગંભીરતાથી અને ગુપ્તતા સાથે લેવા વિનંતી કરીએ છીએ. આમ કરવામાં નિષ્ફળતાના ગંભીર પરિણામો આવી શકે છે જે તમારા વ્યાવસાયિક અને વ્યક્તિગત જીવનને અસર કરી શકે છે. અમે તમને આગામી ૮ કલાકની અંદર અમારો સંપર્ક કરવા માટે કહીશું. અમને તાત્કાલિક પ્રતિસાદની અપેક્ષા છે. ૧૦ દિવસની અંદર. જો અમને કોઈ જવાબ નહીં મળે, તો અમે માની લઈશું કે તમે આ બાબતને ગંભીરતાથી લઈ રહ્યા નથી, અને અમે જરૂરી પગલાં લઈશું.
તાજેતરના ભૂતકાળમાં લોરેન્સ ગેંગના નામે કલાકારો અને રાજકારણીઓને ધમકી આપવાની આવી ઘટનાઓ સામે આવી છે. થોડા દિવસો પહેલા જ બિહારના એક મંત્રીને પણ લોરેન બિશ્નોઈ ગેંગના નામે ધમકી આપવામાં આવી હતી. બિહારના મંત્રીએ પણ આ ઘટના અંગે પોલીસને જાણ કરી હતી અને ફરિયાદ નોંધાવી હતી.
(4:14 PM IST)
છેલ્લા 8 દિવસમાં સૌથી લોકપ્રિય 
