મહારાષ્ટ્રઃ ઓર્ડનન્સ ફેકટરીમાં ભયંકર બ્લાસ્ટ થતાં ૮ના મોત
રેસ્કયુ ઓપરેશન શરૂ : વિસ્ફોટ બાદ વિસ્તારમાં આગ અને ધુમાડાના ગોટેગોટા જોવા મળ્યાઃ પોલીસ અને ફાયર બ્રિગેડ ઘટનાસ્થળે
મુંબઈ, તા.૨૪: મહારાષ્ટ્રથી હૃદયદ્રાવક સમાચાર સામે આવ્યા છે. ભંડારામાં ઓર્ડનન્સ ફેક્ટરીમાં જોરદાર વિસ્ફોટ થયો છે. ઓર્ડનન્સ મેન્યુફેક્ચરિંગ કંપનીના સી સેક્શનમાં વિસ્ફોટ થયો હોવાની જાણ થઈ છે. ભંડારા જિલ્લાના જવાહર નગરમાં સ્થિત ઓર્ડનન્સ મેન્યુફેક્ચરિંગ કંપનીના સી સેક્શનમાં એક જોરદાર વિસ્ફોટ થયો. આ વિસ્ફોટમાં ૮ લોકોના મોત થયા હોવાનું કહેવાય છે. મળત્યુઆંક વધવાની શકયતા છે.
વિસ્ફોટની માહિતી મળતા જ પોલીસ ઘટનાસ્થળે પહોંચી ગઈ. ઘાયલોને સારવાર માટે સ્થાનિક હોસ્પિટલમાં લઈ જવામાં આવ્યા છે. આ વિસ્ફોટ જવાહરનગરમાં એક ઓર્ડનન્સ મેન્યુફેક્ચરિંગ ફેક્ટરીમાં થયો હતો. ઓર્ડનન્સ ફેક્ટરીમાં વિસ્ફોટ પછી, વિસ્તારમાં દૂર દૂર સુધી આગની જ્વાળાઓ અને ધુમાડાના ગોટેગોટા દેખાઈ રહયા હતા.
કેન્દ્રીય મંત્રી નીતિન ગડકરીએ આ ઘટના પર દુઃખ વ્યક્ત કર્યું છે. નીતિન ગડકરીએ X પર પોસ્ટ કરીને કહ્યું કે ભંડારા જિલ્લામાં એક ઓર્ડનન્સ ફેક્ટરીમાં વિસ્ફોટ અને છત ધરાશાયી થવાને કારણે એક કામદારનું મોત થયું અને ઘણા લોકો ફસાયા તે દુર્ભાગ્યપૂર્ણ છે. મળતક કાર્યકરને શ્રદ્ધાંજલિ. મારી સંવેદનાઓ તેમના પરિવારો સાથે છે. હું ઘાયલોના ઝડપી સ્વસ્થ થવા માટે પ્રાર્થના કરું છું.
મહારાષ્ટ્રના મુખ્યમંત્રી દેવેન્દ્ર ફડણવીસે આ ઘટના પર દુઃખ વ્યક્ત કર્યું છે. સોશિયલ મીડિયા પર પોસ્ટ કરતા તેમણે લખ્યું, એવા અહેવાલો છે કે ભંડારા જિલ્લામાં એક ઓર્ડનન્સ ફેક્ટરીમાં વિસ્ફોટને કારણે છત તૂટી પડતાં ૧૩ થી ૧૪ કામદારો ફસાયા હતા.ઁ તેમાંથી પાંચ લોકોને સુરક્ષિત રીતે બહાર કાઢવામાં આવ્યા છે. જિલ્લા કલેક્ટર અને પોલીસ અધિક્ષક ઘટનાસ્થળે છે અને શકય તમામ સહાય પૂરી પાડવામાં આવી રહી છે. બચાવ કામગીરી માટે લ્ઝય્જ્ અને નાગપુર મ્યુનિસિપલ કોર્પોરેશનની ટીમોને પણ બોલાવવામાં આવી છે અને તેઓ ટૂંક સમયમાં પહોંચી જશે. જિલ્લા વહીવટીતંત્ર સંરક્ષણ દળો સાથે સંકલનમાં રહીને રાહત કાર્યમાં ભાગ લઈ રહયું છે. તબીબી સહાય માટે ટીમો પણ તૈયાર રાખવામાં આવી છે.
વિસ્ફોટ ભયંકર હતો. કહેવામાં આવી રહ્યું છે કે વિસ્ફોટનો અવાજ ૫-૭ કિલોમીટર દૂર સુધી પહોંચ્યો હતો. તેના પરથી, આપણે વિસ્ફોટની ગંભીરતાનો અંદાજ લગાવી શકીએ છીએ. વિસ્ફોટ સી સેક્શનના બિલ્ડિંગ નંબર ૨૩માં થયો હતો. એવું કહેવામાં આવી રહયું છે કે વિસ્ફોટ સવારે ૧૧ વાગ્યાની આસપાસ થયો હતો, પરંતુ તેના વિશે માહિતી મોડી મળી હતી. આ પછી, પોલીસ અને ફાયર બ્રિગેડને ઘટનાસ્થળે પહોંચવામાં ઘણો સમય લાગ્યો.
ત્યાં ઘણા મજૂરો કામ કરતા હતા. તે જ ક્ષણે વિસ્ફોટ થયો. આ વિસ્ફોટનું કારણ હજુ સુધી બહાર આવ્યું નથી. મળત્યુઆંક વધુ વધવાની આશંકા છે. એવું કહેવામાં આવી રહ્યું છે કે ૭ લોકો ઘાયલ થયા છે અને ૮ લોકોના મોત થયા છે. વિસ્ફોટના અવાજથી નાગરિકો ગભરાઈ ગયા હતા. ખરેખર શું થયું તે જોવા માટે કંપનીની બહાર દર્શકોની ભીડ એકઠી થઈ ગઈ.(૨૩.૩૧)
(4:09 PM IST)
છેલ્લા 8 દિવસમાં સૌથી લોકપ્રિય 
