ક્રિપ્ટોકરન્સીથી ૩૫૦ કરોડથી વધુના વ્યવહારો, CBIના સાત રાજ્યોમાં દરોડા
આ કાર્યવાહીમાં ૩૪.૨૦ લાખ રૂપિયા અને ૩૮,૪૧૪ યુએસ ડોલર જપ્ત કરવામાં આવ્યા છે,વાંધાજનક દસ્તાવેજો મળ્યા
નવી દિલ્હી, તા.૨પઃ ક્રિપ્ટોકરન્સી વ્યવહારો અને ડિજિટલ કરન્સી પોન્ઝી યોજનાઓમાં રોકાણ કરવા માટે લોકોને લાલચ આપીને સાયબર છેતરપિંડીના કેસના સંદર્ભમાં સેન્ટ્રલ બ્યુરો ઓફ ઇન્વેસ્ટિગેશન (CBI) એ સાત રાજ્યોમાં દરોડા પાડ્યા હતા. સીબીઆઈએ સાત રાજ્યો - દિલ્હી, રાજસ્થાન, ઝારખંડ, પંજાબ, મધ્યપ્રદેશ, ગુજરાત અને તમિલનાડુમાં ૧૦ સ્થળોએ દરોડા પાડ્યા હતા. સીબીઆઈએ ચિત્તોડગઢ, રતલામ, હજારીબાગ, ભટિંડા, રતલામ, વલસાડ, પુડુક્કોટાઈ શહેરોમાં આ કાર્યવાહી કરી.
સીબીઆઈએ જણાવ્યું કે આ કાર્યવાહીમાં ૩૪.૨૦ લાખ રૂપિયા અને ૩૮,૪૧૪ યુએસ ડોલર જપ્ત કરવામાં આવ્યા છે. સાયબર ક્રાઇમ મોડ્યુલ ચલાવતા સાત આરોપીઓ સામે કેસ નોંધવામાં આવ્યો છે. આરોપીઓએ પીડિતોને ઓનલાઈન લોન, ઓનલાઈન વર્ક ઓર્ડર, યુપીઆઈ છેતરપિંડી અને ઈન્ટરનેટ બેંકિંગ કૌભાંડની લાલચ આપીને કરોડો રૂપિયાની છેતરપિંડી કરી હતી.
સીબીઆઈને વાંધાજનક દસ્તાવેજો મળ્યા. સીબીઆઈએ ૧૦ સ્થળોએ કરેલી તપાસ દરમિયાન, સાત મોબાઈલ ફોન, એક લેપટોપ, એક ટેબ્લેટ, ત્રણ હાર્ડ ડિસ્ક, ૧૦ પેન ડ્રાઈવ, મેમરી કાર્ડ, સિમ કાર્ડ, ડેબિટ અને એટીએમ કાર્ડ, ઈમેલ એકાઉન્ટ અને અનેક ગુનાહિત દસ્તાવેજો સહિત મહત્વપૂર્ણ ડિજિટલ પુરાવા જપ્ત કર્યા. આરોપીઓ પાસે ક્રિપ્ટોકરન્સી એક્સચેન્જ પર બહુવિધ બેંક ખાતા અને વર્ચ્યુઅલ ડિજિટલ એસેટ વોલેટ હોવાનું જાણવા મળ્યું છે. બે વર્ષના ગાળામાં આ ખાતાઓ અને વોલેટ્સમાં ૩૫૦ કરોડ રૂપિયાથી વધુના વ્યવહારો થયા છે.
(12:13 PM IST)
છેલ્લા 8 દિવસમાં સૌથી લોકપ્રિય 
