નવી દિલ્‍હીઃ  CBSEમાં સ્કોલરશીપ માટે અને રિન્યુઅલ માટે પહેલા 10 જાન્યુઆરી 2025 અંતિમ તારીખ હતી જેને આગળ વધારવામાં આવી છે. CBSEના ઓફિશિયલ નોટિફિકેશન અનુસાર આ યોજનામાં અરજી કરવાની નવી છેલ્લી તારીખ 8 ફેબ્રુઆરી 2025 છે. કન્યાઓ હવે 8 ફેબ્રુઆરી 2025 સુધી આ યોજના માટે ફોરમ ભરી શકે છે. આ ઉપરાંત 15 ફેબ્રુઆરી સુધી સ્કૂલોએ આવેલી અરજીઓને વેરીફાય કરવાની રહેશે. જે વિદ્યાર્થીઓએ હજુ સુધી અરજી ના કરી હોય તેમની પાસે 8 ફેબ્રુઆરી સુધીનો સમય છે. આ માટે તમે બોર્ડની ઓફિશિયલ વેબસાઇટ www. cbse. gov. in પર જઈને રજીસ્ટ્રેશન કરવી શકે છે.

બોર્ડે સ્કોલરશીપ રજીસ્ટ્રેશન સાથે રિન્યુઅલની અંતિમ તારીખ પણ વધારી છે. પહેલા આ તારીખ 10 જાન્યુઆરી 2025 હતી હવે વિદ્યાર્થિનીઓ 8 ફેબ્રુઆરી સુધી એપ્લાય કરી શકે છે. આ પ્રોગ્રામમાં માત્ર એ જ વિદ્યાર્થી અરજી કરી શકે છે જેમણે 10 માં ધોરણમાં 60% કે તેથી વધુ માર્ક મેળવ્યા હોય. આ માટે તે સીબીએસઇ સંલગ્ન કોઈપણ સ્કૂલમાં ભણી શકે છે. આ ઉપરાંત સિંગલ ચાઇલ્ડ દીકરી હોવું એ પણ આ યોજનાની જરૂરી શરત છે. ખાસ વાત તો એ છે કે NRI પણ આ યોજના માટે અરજી કરી શકે છે જો કે એના માટે બોર્ડે અમુક શરતો મૂકી છે જેનો અમલ કરવો જરૂરી છે.

સિંગલ ગર્લ ચાઇલ્ડ સ્કોલરશીપ x 2024 યોજના એ એકમાત્ર કન્યા સંતાન માટે છે જેમણે 2024 માં સીબીએસઇથી ધોરણ 10 ની પરીક્ષા પાસ કરી હોય અને ધોરણ 11 માં આવી હોય. સાથે જ જે વિદ્યાર્થિનીઓએ વર્ષ 2023માં સ્કોલરશીપ મેળવી હોય તે પણ અરજી કરી શકે છે.