News of Monday, 27th January 2025
'વન નેશન વન ઇલેક્શન' પર પીએમ મોદીએ કહ્યું-લોકસભા અને વિધાનસભાની ચૂંટણી એક સાથે થવાથી જનતાને મળશે રાહત
'યુવા શક્તિ, વિકસિત ભારત' એનસીસી રેલીમાં એનસીસીને સંબોધિત કરતી વખતે પીએમએ વન નેશન વન ઇલેક્શનના મહત્વ પર પણ ભાર મૂક્યો અને કહ્યું કે વારંવાર ચૂંટણી થવાથી દેશને નુકસાન થાય છે.

નવી દિલ્હી : વડા પ્રધાન નરેન્દ્રભાઈ મોદીએ નવી દિલ્હીના કરિઅપ્પા પરેડ ગ્રાઉન્ડ ખાતે એનસીસીની વાર્ષિક રેલીને સંબોધિત કરી હતી. પીએમ રેલીમાં NCC કેડેટ્સની ભાગીદારી એ મહિનાની લાંબી NCC પ્રજાસત્તાક દિવસ શિબિર 2025ની સફળ સમાપ્તિનું પ્રતીક માનવામાં આવે છે. આ વર્ષની એનસીસી પીએમ રેલીની થીમ છે 'યુવા શક્તિ, વિકસિત ભારત' એનસીસી રેલીમાં એનસીસીને સંબોધિત કરતી વખતે, પીએમએ તમામ કેડેટ્સને એનસીસી દિવસની શુભેચ્છા પાઠવી હતી. પીએમએ વન નેશન વન ઇલેક્શનના મહત્વ પર પણ ભાર મૂક્યો અને કહ્યું કે વારંવાર ચૂંટણી થવાથી દેશને નુકસાન થાય છે.
રેલીને સંબોધતા પીએમ મોદીએ કહ્યું કે NCC દિવસ નિમિત્તે આપ સૌને ખૂબ ખૂબ શુભેચ્છાઓ. આજે 18 મિત્ર દેશોના લગભગ 150 કેડેટ્સ પણ અહીં આપણી વચ્ચે હાજર છે, હું આ તમામ કેડેટ્સનું પણ સ્વાગત કરું છું. ગણતંત્ર દિવસની પરેડમાં પસંદગી પામવી એ પોતાનામાં એક સિદ્ધિ છે. આ વખતની પરેડ એટલા માટે પણ ખાસ હતી કારણ કે આપણા ગણતંત્રને 75 વર્ષ પૂરા થયા છે. પ્રજાસત્તાકના 75 વર્ષમાં ભારતના બંધારણે હંમેશા દેશને લોકતાંત્રિક પ્રેરણા આપી અને નાગરિક ફરજોનું મહત્વ સમજાવ્યું. એ જ રીતે NCCએ પણ હંમેશા ભારતના યુવાનોને રાષ્ટ્ર નિર્માણ માટે પ્રેરણા આપી અને તેમને શિસ્તનું મહત્વ સમજાવ્યું હતું
પીએમએ કહ્યું કે આઝાદી પછી લાંબા સમય સુધી લોકસભા અને વિધાનસભાની ચૂંટણીઓ એકસાથે થતી હતી, પરંતુ પછી આ પેટર્ન તૂટી ગઈ. જેના કારણે દેશને ઘણું નુકસાન સહન કરવું પડ્યું. દરેક ચૂંટણીમાં, મતદાન યાદી અપડેટ કરવામાં આવે છે, ઘણું કામ કરવામાં આવે છે અને તેમાં ઘણીવાર અમારા શિક્ષકોની ફરજ સામેલ હોય છે, જેના કારણે અભ્યાસને અસર થાય છે. આથી દેશમાં વન નેશન વન ઇલેક્શન પર ચર્ચા ચાલી રહી છે, લોકો પોતાના મંતવ્યો વ્યક્ત કરી રહ્યા છે. હું ભારતના યુવાનોને વિનંતી કરું છું કે તમે જ્યાં પણ હોવ આ ચર્ચાને આગળ લઈ જાઓ અને આ ચર્ચામાં મોટી સંખ્યામાં ભાગ લો કારણ કે આ તમારા ભવિષ્ય સાથે જોડાયેલો વિષય છે.
અમેરિકાનું ઉદાહરણ આપતા પીએમએ કહ્યું કે અમેરિકા જેવા દેશમાં નવી સરકારની રચનાની તારીખ પણ નક્કી કરવામાં આવે છે. ત્યાં દર 4 વર્ષે ચૂંટણી યોજાય છે. તમારી પોતાની કોલેજ કે શાળામાં પણ વિદ્યાર્થી પરિષદની ચૂંટણી માત્ર એક જ વાર યોજાય છે. વિચારો, દર મહિને ચૂંટણી થાય તો યુનિવર્સિટીમાં કોલેજમાં ભણવાનું શક્ય બનશે?
વડાપ્રધાને કહ્યું કે તમે 21મી સદીમાં ભારતનો વિકાસ અને વિશ્વનો વિકાસ નક્કી કરવા જઈ રહ્યા છો. ભારતના યુવાનો માત્ર ભારત માટે જ નહીં પરંતુ વૈશ્વિક ભલાઈ માટેનું બળ છે. આજે દુનિયા આ વાત સ્વીકારી રહી છે. કોઈ પણ વ્યક્તિ હોય કે દેશ... જ્યારે તે બિનજરૂરી અવરોધોને પાર કરે છે ત્યારે તેની શક્તિ વધે છે. મને સંતોષ છે કે છેલ્લા 10 વર્ષોમાં અમે ભારતમાં યુવાનો દ્વારા સામનો કરવામાં આવતા અનેક અવરોધોને દૂર કરવાનું કામ કર્યું છે. તેનાથી યુવાનોની તાકાત વધી છે અને દેશની તાકાત વધી છે.
તેમણે એમ પણ કહ્યું હતું કે 2014 પહેલા, જ્યારે તમારે પ્રવેશ, પરીક્ષા અથવા કોઈપણ ફોર્મ માટે તમારા દસ્તાવેજોની ચકાસણી કરાવવાની હતી, ત્યારે તમારે ગેઝેટેડ અધિકારી દ્વારા તેમની ચકાસણી કરાવવાની હતી. અમારી સરકારે યુવાનો માટે આ મુશ્કેલી દૂર કરી છે અને તમારા પર વિશ્વાસ છે, હવે તમે તમારા દસ્તાવેજોને સ્વ-પ્રમાણિત કરી શકો છો.
(11:18 PM IST)









છેલ્લા 8 દિવસમાં સૌથી લોકપ્રિય 
