તા. ૨૮ નવેમ્બરે ર૦ર૫ વિક્રમ સંવત ર૦૮૨ માગશર સુદ – ૮ શુક્રવાર
News of Wednesday, 29th January 2025
લોકો એકબીજા પર ચઢવા લાગ્યા.. કોઈનો પગ, કોઈનો હાથ તો કોઈની ગરદન દબાઈ..
મંત્રોચ્ચાર વચ્ચે ગુંજવા લાગી ચીસો..સંગમનું દ્રશ્ય આંખના પલકારામાં બદલાઈ ગયું

પ્રયાગરાજ, તા.૨૯: ૧૪૪ વર્ષ પછી, મહાકુંભના આ સંયોગે દેશ અને દુનિયાના તમામ ભક્તોને આકર્ષ્યા છે, જેઓ વર્ષોથી તેની રાહ જોઈ રહ્યા હતા. દરરોજ લાખો લોકો તાાન કરી રહ્યા હતા. પરંતુ કોઈને ખ્યાલ નહોતો કે, આટલો મોટો અકસ્માત થઈ શકે છે. કારણ કે સરકાર અને વહીવટની વ્યવસ્થા એટલી સુવ્યવસ્થિત હતી કે, બધું બરાબર ચાલી રહ્યું હતું. મૌની અમાવાસ્યાના અમળત તાાન પહેલા, મકરસંક્રાંતિનું અમળત તાાન પસાર થઈ ગયું હતું, જેમાં લગભગ ૪ કરોડ લોકોએ તાાન કર્યું હતું.
સનાતન ધર્મમાં મૌની અમાવસ્યા પર તાાન ખૂબ જ મહત્વપૂર્ણ માનવામાં આવે છે અને આ જ કારણ છે કે, સંગમ કિનારે લગભગ ૧૦ કરોડ લોકો એકઠા થયા હતા. ત્યાં હાજર અધિકારીઓ પણ આ કરોડો લોકોને સંભાળવામાં ખૂબ પરસેવો પાડી રહ્યા હતા. બધાના હોઠ પર મહાદેવ અને માતા ગંગાનું નામ હતું અને પગલાં સંગમ તરફ આગળ વધી રહ્યા હતા. પણ અચાનક કંઈક બન્યું, જેના પછી દ્રશ્ય બદલાઈ ગયું હતું. ખુશીઓ ચીસોમાં ફેરવાઈ ગઈ અને પગલાં થંભી ગયા હતા. પરિસ્થિતિ એવી બની કે, લોકો એકબીજા પર ચઢવા લાગ્યા હતા. કોઈનો પગ દબાયો, કોઈનો હાથ દબાયો, કોઈની ગરદન દબાઈ ગઈ હતી.
અકસ્માત પછી જે તસવીરો સામે આવી રહી છે તે ખૂબ જ હૃદયસ્પર્શી છે. કેટલાક પોતાના -યિજનોને શોધી રહ્યા છે, તો કેટલાક પોતાનો સામાન શોધી રહ્યા છે. સંગમનું દ્રશ્ય આંખના પલકારામાં બદલાઈ ગયું હતું. સંગમના કિનારા ચીસો અને એમ્બ્યુલન્સથી ગુંજી ઉઠવા લાગી હતી. જોકે, વહીવટીતંત્રની સતર્કતાને કારણે પરિસ્થિતિ નિયંત્રણમાં આવી ગઈ હતી. આ અકસ્માત પછી ઘણા લોકો પોતાના પ્રિયજનોને શોધી રહ્યા છે. પરિસ્થિતિ વિશે વાત કરતા, ખાસ કાર્યકારી અધિકારી આકાંક્ષા રાણાએ જણાવ્યું હતું કે, સંગમ રૂટ પર, કેટલાક બેરિકેડ તોડી નાખ્યા પછી ભાગદોડ જેવી સ્થિતિ સર્જાઈ હતી. કેટલાક લોકો ઘાયલ થયા છે. તેમની સારવાર ચાલી રહી છે.
ભાગદોડ અંગે એવું કહેવામાં આવી રહ્યું છે કે, કેટલીક મહિલાઓને શ્વાસ લેવામાં તકલીફ પડી અને તેઓ આગળ વધી, પછી ભીડ એકબીજા પર પડવા લાગી હતી, જેના કારણે બેરિકેડિંગ તૂટી ગયું હતું. જોકે, તે વિસ્તારમાં હાજર પોલીસકર્મીઓએ તાત્કાલિક કાર્યવાહી કરી અને ગ્રીન કોરિડોર બનાવ્યો અને તમામ ઘાયલોને તાત્કાલિક હોસ્પિટલમાં લઈ જવામાં આવ્યા હતા. મેળાના વહીવટી અધિકારી આકાંક્ષા રાણાએ જણાવ્યું હતું કે, કેટલાક લોકો ઘાયલ થયા છે અને તેમની સારવાર ચાલી રહી છે. અહીં કોઈ ગંભીર પરિસ્થિતિ નથી. અવરોધ તૂટવાથી નાસભાગ મચી ગઈ. જોકે, ભાગદોડની ઘટના પછી, જ્યારે લોકો નહાવા આવ્યા ત્યારે તેમણે કહ્યું કે હવે પરિસ્થિતિ સામાન્ય છે.
જોકે એવું કહેવામાં આવી રહ્યું છે કે, આ ઘટનામાં ઘણા લોકો માર્યા ગયા છે, પરંતુ હજુ સુધી આવા કોઈ સત્તાવાર આંકડા કે નિવેદન બહાર આવ્યા નથી. ભાગદોડ પછી પરિસ્થિતિ સામાન્ય થઈ ગઈ છે, પરંતુ ભાગદોડમાંથી બચી ગયેલા લોકો માટે મુશ્કેલ પરિસ્થિતિ ઊભી થઈ છે. તે મીડિયા કેમેરા સામે રડતા રડતા પોતાની વાર્તા કહી રહ્યા હતા.
(3:00 PM IST)









છેલ્લા 8 દિવસમાં સૌથી લોકપ્રિય 
