<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 1st February 2025

૧૨.૭૫ લાખ રૂપિયાની આવક પર કોઈ ટેક્‍સ નહીં

મોદી સરકારે મધ્‍યમ વર્ગની અપેક્ષાઓ પૂર્ણ કરી છેઃ મધ્‍યમ વર્ગને રાહત આપીને અર્થતંત્રને વેગ મળશે : મોદી સરકારે એક જ તીરથી અનેક લક્ષ્યો પર નિશાન સાધ્‍યું

નવી દિલ્‍હી, તા.૧:  નાણામંત્રી નિર્મલા સીતારમણે આજે નાણાકીય વર્ષ ૨૦૨૫-૨૬ માટેનું બજેટ રજૂ કર્યું. આમાં તેમણે મધ્‍યમ વર્ગને મોટી રાહત આપી છે. સીતારમણે આવકવેરા કાયદાની કલમ ૮૭A હેઠળ નવી કર વ્‍યવસ્‍થામાં કર મુક્‍તિમાં વધારો કરવાની જાહેરાત કરી છે. આ અંતર્ગત, હવે ૧૨ લાખ રૂપિયા સુધીની કરપાત્ર આવક પર કોઈ કર ચૂકવવો પડશે નહીં. નવી કર પ્રણાલી હેઠળ, ૭૫,૦૦૦ રૂપિયાના સ્‍ટાન્‍ડર્ડ ડિડક્‍શન પર કોઈ ટેક્‍સ નહીં લાગે. એટલે કે પગારદાર લોકોને ૧૨.૭૫ લાખ રૂપિયા સુધીની કરપાત્ર આવક પર કોઈ ટેક્‍સ ચૂકવવો પડશે નહીં. અત્‍યાર સુધી ૭ લાખ રૂપિયા સુધીની આવક પર કોઈ ટેક્‍સ લાગતો ન હતો. સ્‍ટાન્‍ડર્ડ ડિડક્‍શનને સામેલ કર્યા પછી, આ રકમ ૭.૭૫ લાખ રૂપિયા થઈ જાય છે.

નાણામંત્રીએ પોતાના ભાષણમાં કહ્યું, મને હવે જાહેરાત કરતા આનંદ થાય છે કે ૧૨ લાખ રૂપિયા સુધીની આવક પર કોઈ આવકવેરો નહીં લાગે. હવે શૂન્‍યથી ચાર લાખ રૂપિયા સુધી, શૂન્‍ય, ૪ થી ૮ લાખ રૂપિયા સુધી, ૫%, ૮ થી ૧૨ લાખ રૂપિયા સુધી, ૧૦%, ૧૨ થી ૧૬ લાખ રૂપિયા સુધી, ૧૫%, ૧૬ થી ૨૦ લાખ રૂપિયા સુધી, ૨૦%, ૨૦ થી ૨૪ લાખ રૂપિયા સુધી. ૫ લાખ રૂપિયા સુધીની આવક પર ૨૫% અને ૨૪ લાખ રૂપિયાથી વધુની આવક પર ૩૦% ટેક્‍સ લાગશે. કલમ ૮૭A હેઠળ કર મુક્‍તિ જૂના અને નવા બંને કર શાસન હેઠળ આપવામાં આવે છે.

ઇન્‍ફોમેરિક્‍સ રેટિંગ્‍સના મુખ્‍ય અર્થશાષાી મનરંજન શર્માએ જણાવ્‍યું હતું કે બજેટમાં નાણામંત્રીએ ૧૨ લાખ રૂપિયા સુધીની આવક પર કરમુક્‍તિની જાહેરાત કરી હતી. આ અપેક્ષિત હતું. મધ્‍યમ વર્ગ ફુગાવાથી પીડાઈ રહ્યો હતો અને તેની ખર્ચપાત્ર આવક ઘટી રહી હતી. છેલ્લા કેટલાક ત્રિમાસિક ગાળાથી દેશનો GDP સુસ્‍તી દર્શાવી રહ્યો છે. આનું સૌથી મોટું કારણ એ હતું કે શહેરી વિસ્‍તારોમાં વપરાશ ઘટી રહ્યો હતો. આ જ કારણ છે કે મધ્‍યમ વર્ગને આવકવેરામાં વધુ રાહત આપવાની માંગ કરવામાં આવી હતી. મધ્‍યમ વર્ગની ખર્ચપાત્ર આવકમાં વધારો થવાથી તેમના ખિસ્‍સામાં વધુ પૈસા આવશે અને તેનાથી અર્થતંત્રને વેગ મળશે.

(3:27 PM IST)