રણવીર અલ્હાબાદિયાને સુપ્રીમ કોર્ટનો ઝટકો કોર્ટે તાત્કાલિક સુનાવણીનો ઇનકાર કર્યો
અરજી ફગાવી દેતા મુશ્કેલી વધી
નવી દિલ્હી, તા.૧૪: રણવીરનો કેસ સુપ્રીમ કોર્ટમાં પહોંચ્યો છે. ભૂતપૂર્વ CJI ના પુત્ર અને રણવીરના વકીલ એડવોકેટ અભિનવ ચંદ્રચુડે સુપ્રીમ કોર્ટ સમક્ષ એક અરજી દાખલ કરી હતી જેમાં તેના પર તાત્કાલિક સુનાવણીની માંગ કરવામાં આવી હતી. આ અંગે CJI સંજીવ ખન્નાએ કહ્યું કે તાત્કાલિક સુનાવણીની કોઈ જરૂર નથી.
રણવીર અલ્હાબાદિયાએ તેમની સામે દાખલ થયેલી અનેક FIRs સામે સુપ્રીમ કોર્ટનો સંપર્ક કર્યો છે અને આ મામલે તાત્કાલિક સુનાવણીની વિનંતી કરી છે. જોકે, ઇલાબાડિયાને કોર્ટ તરફથી ઝટકો લાગ્યો છે અને કોર્ટે કેસની તાત્કાલિક સુનાવણી કરવાનો ઇનકાર કરી દીધો છે.
સુપ્રીમ કોર્ટે રણવીરના વકીલ અભિનવ ચંદ્રચુડને કહ્યું કે તે વહેલી સુનાવણીની મૌખિક માંગ પર વિચાર કરશે નહીં. ન્યાયાધીશ સંજીવ ખન્નાએ અલ્હાબાદિયાના વકીલને પહેલા રજિસ્ટ્રીનો સંપર્ક કરવા કહ્યું.
રણવીર અલ્હાબાદિયાએ કોર્ટમાં આગોતરા જામીન અરજી દાખલ કરી છે.
અલ્હાબાદિયાના વકીલ ડૉ. અભિનવ ચંદ્રચુડે જણાવ્યું હતું કે રણવીર વિરુદ્ધ અનેક રાજ્યોમાં અનેક FIR દાખલ કરવામાં આવી છે. ગુવાહાટી પોલીસે આજે તેમને પૂછપરછ માટે બોલાવ્યા છે. તેથી, કોર્ટે તેમની સામે નોંધાયેલી તમામ FIRની તપાસ અને સુનાવણી એક જ જગ્યાએ કરવાનો આદેશ આપવો જોઈએ જેથી તેમને અલગ અલગ રાજ્યોમાં ભટકવું ન પડે.
તમને જણાવી દઈએ કે મહારાષ્ટ્ર અને આસામ સહિત ઘણા રાજ્યોમાં રણવીર અલ્હાબાદિયા વિરુદ્ધ સામાજિક શિષ્ટાચારનું ઉલ્લંઘન કરવા અને જાહેરમાં અશ્લીલ અને અભદ્ર ટિપ્પણીઓ સાથે શો ચલાવવા બદલ FIR નોંધવામાં આવી છે.
તમને જણાવી દઈએ કે, કોમેડિયન સમય રૈનાના શો ઈન્ડિયાઝ ગોટ લેટેન્ટના અશ્લીલ જોક્સનો ભારે વિરોધ થઈ રહ્યો છે. એક એપિસોડના જજ પેનલનો ભાગ રહેલા રણવીર અલ્હાબાદિયા અને અપૂર્વ માખીજાએ માતાપ્રપિતાના આત્મીય જીવન વિશે અભદ્ર વાતો કહી હતી, જેના કારણે ઘણો હોબાળો થયો હતો અને મામલો કોર્ટ સુધી પહોંચ્યો છે. રણવીર આ મામલે માફી માંગી ચૂકયો છે, પરંતુ વિવાદ અટકવાના કોઈ સંકેત દેખાઈ રહ્યો નથી.
વિરોધને ધ્યાનમાં રાખીને, સમયે યુટયુબ પરથી ફક્ત તે એપિસોડ જ નહીં પરંતુ ઇન્ડિયાઝ ગોટ લેટેન્ટના બધા એપિસોડ પણ દૂર કરી દીધા છે. તેમણે વધુમાં કહ્યું કે તેઓ કાર્યવાહીમાં દરેક એજન્સીને સંપૂર્ણ સહાય કરશે. તે જ સમયે, રણવીર, અપૂર્વા અને સમયના અંગત સોશિયલ મીડિયા હેન્ડલ પરથી શો સંબંધિત રીલ્સ પણ દૂર કરવામાં આવી છે. આ સમગ્ર વિરોધની બધા યુટયુબર્સના કામ પર પણ ખરાબ અસર પડી છે.
જ્યારે આ દિવસોમાં કોમેડી શો રદ થઈ રહ્યા છે, ત્યારે રણવીરના સેલિબ્રિટી મહેમાનએ પણ પોડકાસ્ટ પર આવવાનો ઇનકાર કર્યો હતો.
(3:32 PM IST)
છેલ્લા 8 દિવસમાં સૌથી લોકપ્રિય 
