નવી દિલ્‍હી, તા.૧૪: યુક્રેનના રાષ્‍ટ્રપતિ વોલોડીમીર ઝેલેન્‍સકીએ એક મોટો દાવો કર્યો છે. તેઓ કહે છે કે રશિયાએ ચેર્નોબિલમાં પરમાણુ રિએક્‍ટર પર ડ્રોનથી હુમલો કર્યો છે.

યુક્રેનનું કહેવું છે કે ચેર્નોબિલ પરમાણુ પ્‍લાન્‍ટની ઢાલ પર એક રશિયન ડ્રોન પડી ગયું છે. જોકે, રશિયન ડ્રોન હુમલા પછી પ્‍લાન્‍ટનું રેડિયેશન સ્‍તર સામાન્‍ય રહ્યું છે.

ઝેલેન્‍સકીએ આ ઘટનાને આતંકવાદી હુમલો ગણાવ્‍યો છે અને કહ્યું છે કે પરમાણુ સ્‍થળોને નિશાન બનાવવું ખતરનાક છે. જોકે, રાષ્‍ટ્રપતિ ઝેલેન્‍સકી તરફથી હુમલાની પુષ્ટિ બાદ, ફાયર સેફ્‌ટી અધિકારીઓએ જણાવ્‍યું હતું કે આગ પર કાબુ મેળવી લેવામાં આવ્‍યો છે. (રર.૧૪)