કલકત્તા, તા.૧૪

કલકત્તા હાઈકોર્ટે રાષ્ટ્રીય સ્વયંસેવક સંઘ (RSS)ને પશ્ચિમ બંગાળના બર્ધમાનમાં રેલી યોજવાની પરવાનગી આપી છે. અહીં ૧૬ ફેબ્રુઆરી ૨૦૨૫ના રોજ ઇજીજીની રેલી યોજાવાની છે, જેના માટે પશ્ચિમ બંગાળ પોલીસે પરવાનગી આપવાનો ઇનકાર કર્યો હતો. આ પછી ઇજીજીએ કોર્ટનો દરવાજો ખટખટાવ્યો હતો. સમાચાર એજન્સી પીટીઆઈના અહેવાલ મુજબ કોલકત્તા હાઈકોર્ટના ન્યાયાધીશે બંગાળ સરકારના વાંધાને ફગાવીને આરએસએસની રેલીને શરતી પરવાનગી આપી છે. આરએસએસ ચીફ મોહન ભાગવત પણ આ રેલીમાં હાજરી આપે તેવી શક્યતા છે.

કોલકાતા હાઈકોર્ટે કહ્યું કે રેલી શાંતિપૂર્ણ રીતે કાઢવામાં આવે અને અવાજ ઓછો રાખવો જોઈએ. બંગાળ પોલીસે એ કહીને પરવાનગી આપવાનો ઇનકાર કર્યો હતો કે હાલમાં બંગાળ બોર્ડ ઓફ સેકન્ડરી એજ્યુકેશન (WBBSE) દ્વારા લેવામાં આવતી ધોરણ ૧૦ની પરીક્ષા ચાલી રહી છે અને તેથી લાઉડસ્પીકરના ઉપયોગ પર પ્રતિબંધ છે.

રેલીને શરતી પરવાનગી આપતા જસ્ટિસ અમૃતા સિન્હાની ખંડપીઠે કહ્યું હતું કે આયોજકોએ ઉપસ્થિત ભીડની સંખ્યા અને લાઉડસ્પીકરના વોલ્યુમ પર નજર રાખવી જોઈએ. ન્યાયાધીશે કહ્યું કે RSSની રેલી રવિવારે યોજાવાની છે અને કાર્યક્રમ માત્ર ૧ કલાક ૧૫ મિનિટ ચાલશે, તેથી કોર્ટને એવું નથી લાગતું કે તેનાથી કોઈને અસુવિધા થશે. કોર્ટે રેલીને શાંતિપૂર્ણ રીતે યોજવા અને વોલ્યુમ ઓછું રાખવાનો આદેશ આપ્યો હતો. અહીં રેલી પછી મોહન ભાગવત પ્રાદેશિક RSS નેતાઓ, સ્થાનિક કાર્યકરો અને બર્ધમાન અને આસપાસના વિસ્તારોના અગ્રણી લોકોને પણ મળશે.

આ મીટિંગો સંગઠનાત્મક વિકાસ, સમુદાયની પહોંચ, RSS નેતૃત્વ અને સ્થાનિક હિતધારકો વચ્ચેના સંબંધોને મજબૂત કરવા પર ધ્યાન કેન્દ્રિત કરે તેવી અપેક્ષા છે. તેમની મુલાકાત દેશભક્તિ, આત્મનિર્ભરતા, પારિવારિક મૂલ્યો, પર્યાવરણીય સંરક્ષણ અને કુટુંબલક્ષી પ્રથાઓ દ્વારા સમાજીકરણ જેવા મૂલ્યો કેળવવા પર ધ્યાન કેન્દ્રિત કરશે.

સમાચાર એજન્સી અનુસાર, RSSના મહાસચિવ જિષ્ણુ બસુએ કહ્યું કે મોહન ભાગવતની મુલાકાતનો હેતુ હિંદુ સમુદાયની અંદર રાષ્ટ્રવાદની ભાવનાને પ્રોત્સાહન આપવાનો, સ્વદેશી ચેતનાને પ્રોત્સાહન આપવાનો અને આત્મનિર્ભર ભારતના વિઝનને આગળ વધારવાનો છે, જે એક મુખ્ય રાષ્ટ્રીય લક્ષ્ય છે.