દક્ષિણ આફ્રિકાના દિગ્ગજ ક્રિકેટર જેપી ડુમિનીએ તેની પત્નીને છૂટાછેડા આપી દીધા છે. તેણે સોશિયલ મીડિયા પર એક પોસ્ટ શેર કરીને ચાહકોને આ માહિતી આપી હતી.
દક્ષિણ આફ્રિકાના દિગ્ગજ ક્રિકેટર જેપી ડુમિનીએ છૂટાછેડા લીધા છે. ડુમિનીએ ઈન્સ્ટાગ્રામ પર એક પોસ્ટ શેર કરીને આ જાણકારી આપી હતી. ડુમિની અને તેની પત્ની 'સુ' વચ્ચેના સંબંધો લાંબા સમયથી સારા ચાલી રહ્યા ન હતા. લગભગ 14 વર્ષના લગ્નજીવન બાદ ડુમિની અને સુ હવે અલગ થઈ ગયા છે. ડુમિનીની ક્રિકેટ કારકિર્દી શાનદાર રહી છે. તે ઈન્ડિયન પ્રીમિયર લીગમાં ઘણી ટીમો માટે રમ્યો પણ છે.
દક્ષિણ આફ્રિકાના ખેલાડી ડુમિનીએ સોમવારે ઈન્સ્ટાગ્રામ પર એક પોસ્ટ શેર કરીને ચાહકોને આશ્ચર્યજનક સમાચાર આપ્યા હતા. ડુમિનીએ કહ્યું કે તેના છૂટાછેડા થઈ ગયા છે. તેણે લખ્યું, "ઘણા વિચાર કર્યા પછી, સુ અને મેં અલગ થવાનો નિર્ણય લીધો છે." અમે બંને ભાગ્યશાળી છીએ કે લગ્ન પછી ઘણી સુંદર યાદો એકઠી કરી છે. અમને બે સુંદર દીકરીઓ પણ મળી છે. અમે આ સમયે તમારા બધા પાસેથી ગોપનીયતાની વિનંતી કરીએ છીએ.
ક્રિકેટ  જગતના ઘણા મહાન ખેલાડીઓના છૂટાછેડા થઈ ચૂક્યા છે. ટીમ ઈન્ડિયાના ઓલરાઉન્ડર હાર્દિક પંડ્યાએ ગયા વર્ષે છૂટાછેડા લીધા હતા. તેની પત્ની નતાશા સ્ટેનકોવિક હવે અલગ રહે છે. યુઝવેન્દ્ર ચહલ અને ધનશ્રી વર્માના છૂટાછેડાના સમાચાર પણ આવ્યા હતા. જો કે આ મામલે બંનેએ હજુ સુધી કોઈ પ્રતિક્રિયા આપી નથી. ફાસ્ટ બોલર મોહમ્મદ શમી અને શિખર ધવને પણ છૂટાછેડા લઈ લીધા છે