મહારાષ્ટ્રના અમરાવતીમાં 75 વર્ષીય એક પાખંડી બાબાએ આશ્રમમાં રહીને સેવા કરતી 17 વર્ષની સગીરા સાથે વારંવાર દુષ્કર્મ આચર્યુ હતું, હવસખોર છેલ્લાં ઘણા સમયથી પીડિતા સાથે આવું કરતો રહ્યો હતો, પાખંડીના હવસનો ભોગ બનેલી પીડિતા ગર્ભવતી હતી અને તેને આઠ મહિનાનો ગર્ભ રહ્યો હતો. એટલું જ બાબાના 40 વર્ષીય સેવાદારે પણ પીડિતા સાથે દુષ્કર્મ આચરીને હવસ સંતોષી હતી.

  મહારાષ્ટ્રના અમરાવતી જિલ્લામાં એક મઠના 75 વર્ષીય બાબા અને તેના સાથીદારની એક સગીર છોકરી પર વારંવાર બળાત્કાર કરવાના આરોપમાં ધરપકડ કરવામાં આવી છે, 17 વર્ષીય પીડિતાના એક મહિલા સંબંધીની પણ ધરપકડ કરવામાં આવી છે. છોકરીએ તેના માતાપિતા સાથે મંગળવારે સાંજે અમરાવતીના શિરખેડ પોલીસ સ્ટેશનનો સંપર્ક કર્યો અને રિદ્ધપુર મઠના મુખ્ય પૂજારી અને અન્ય લોકો વિરુદ્ધ ફરિયાદ નોંધાવી હતી.

   તબીબી તપાસ દરમિયાન, તે બહાર આવ્યું કે છોકરી આઠ મહિનાની ગર્ભવતી હતી. ફરિયાદીના જણાવ્યા મુજબ, તે છેલ્લા એક વર્ષથી તેના કાકા અને કાકી સાથે મઠની સેવા કરવા બદલ ત્યાં રહી રહી હતી. જ્યારે તે મઠમાં રહી રહી હતી, ત્યારે મુખ્ય પૂજારીએ તેની સાથે દુષ્કર્મ આચર્યું હતું.

   ફરિયાદીના જણાવ્યાનુસાર, એક દિવસ બાબાએ તેની કાકીને તેને તેમની સાથે મોકલવાનું કહ્યું હતું ત્યાર બાદ સેવાને નામે બાબા તેને ગુપ્ત કૂટિરમાં લઈ ગયાં હતા અને જ્યાં તેની સાથે દુષ્કર્મ કર્યું હતું.