નવી દિલ્‍હીઃ બહુજન સમાજ પાર્ટી (BSP) સુપ્રીમો માયાવતીના ભત્રીજા અને પાર્ટીના રાષ્ટ્રીય સંયોજક આકાશ આનંદે કોંગ્રેસ નેતા રાહુલ ગાંધી પર સીધું નિશાન સાધ્યું છે. આકાશ આનંદે X (અગાઉ ટ્વિટર) પર કોંગ્રેસ પર બહુજન ચળવળનું અપમાન કરવાનો આરોપ લગાવતા પોસ્ટ કરી છે. આ સાથે રાહુલ ગાંધી પાસે ઉદિત રાજને પાર્ટીમાંથી હાંકી કાઢવાની માંગ કરવામાં આવી છે.
બહુજન સમાજ પાર્ટી (BSP) સુપ્રીમો માયાવતીના ભત્રીજા અને પાર્ટીના રાષ્ટ્રીય સંયોજક આકાશ આનંદે કોંગ્રેસ નેતા રાહુલ ગાંધી પર નિશાન સાધ્યું છે અને ઉદિત રાજ સામે કાર્યવાહીની માંગ કરી છે. આકાશ આનંદે સોશિયલ મીડિયા પ્લેટફોર્મ X પર એક પોસ્ટ દ્વારા કોંગ્રેસ નેતૃત્વ પર પ્રહારો કર્યા અને ઉદિત રાજને પાર્ટીમાંથી હાંકી કાઢવાની માંગ કરી.
કોંગ્રેસના નેતા અને રાષ્ટ્રીય પ્રવક્તા ઉદિત રાજે તાજેતરમાં માયાવતી વિશે વિવાદાસ્પદ નિવેદન આપ્યું હતું, ત્યારબાદ આકાશ આનંદે ઉત્તર પ્રદેશ પોલીસને તેમની સામે FIR નોંધવાની માંગ કરી હતી. આ વિવાદ વચ્ચે, ઉદિત રાજે દિલ્હી પોલીસ કમિશનરને મળ્યા અને દાવો કર્યો કે તેમના જીવને જોખમ છે. તેમણે દિલ્હી પોલીસને આકાશ આનંદ અને તેના સમર્થકો સામે કાર્યવાહી કરવાની અપીલ કરી.
આ ઘટના પછી, આકાશ આનંદે ફરી એકવાર X (અગાઉ ટ્વિટર) પર પોસ્ટ કરી અને રાહુલ ગાંધી પર સીધું નિશાન સાધ્યું અને કોંગ્રેસ પર બહુજન ચળવળનું અપમાન કરવાનો આરોપ લગાવ્યો. આકાશ આનંદે પોતાની પોસ્ટમાં લખ્યું છે કે આ કોંગ્રેસના નેતાઓ બહુજન આંદોલનનું સતત અપમાન કરી રહ્યા છે.