અમેરિકામાં ગેરકાયદે રહેતા પ્રવાસીઓને તેમના દેશ પરત મોકલી રહી છે. જે અંતર્ગત અત્યાર સુધી કુલ 344 ભારતીયોને તેમના વતન પરત મોકલવામાં આવ્યા છે. અમેરિકાએ લગભગ 300 ગેરકાયદેસર ઇમિગ્રન્ટ્સને પનામા ખસેડ્યા હતા. પનામાની એક હોટલમાં કેદ આ ગેરકાયદે પ્રવાસીઓને તેમના દેશમાં મોકલવાની પ્રક્રિયા શરૂ થઈ ગઈ છે. જેમાં 12 ભારતીયોને પનામાથી ટર્કિશ એરલાઇન્સના વિમાનમાં મોકલવામાં આવ્યા છે.

અધિકારીઓના જણાવ્યા અનુસાર આમાં 4 પંજાબના લોકો છે. હરિયાણા અને ઉત્તર પ્રદેશના 3-3 યુવાનોનો સમાવેશ થાય છે. પંજાબના ચાર લોકોને બીજી ફ્લાઇટ દ્વારા અમૃતસર મોકલવામાં આવ્યા હતા. અમેરિકાએ પહેલા ત્રણ બેચમાં 332 ભારતીયોને પાછા મોકલ્યા છે. અત્યાર સુધીમાં કુલ 344 ભારતીયોને તેમના વતન પરત મોકલવામાં આવ્યા છે.

ડોનાલ્ડ ટ્રમ્પ સરકારે અમેરિકામાં ગેરકાયદે રહેતા 300 પ્રવાસીઓને પનામાની એક હોટલમાં રાખ્યા છે. અહીંથી તેમને તેમના દેશમાં મોકલવાની તૈયારીઓ ચાલી રહી છે. કોસ્ટા રિકા, પનામા અને નિકારાગુઆ ગેરકાયદેસર પ્રવાસીને બહાર કાઢવા માટે અમેરિકા સાથે કામ કરી રહ્યા છે. પનામામાં હાજર 300 લોકોમાંથી ફક્ત 171 લોકો જ તેમના દેશમાં પાછા ફરવા માટે સંમત થયા છે. બાકીના લોકોને કેમ્પમાં મોકલી દેવામાં આવ્યા છે.