ઢાકા, તા.૨૪: આજે બાંગ્‍લાદેશના કોક્‍સ બજાર શહેરમાં એક વાયુસેના બેઝ પર હુમલો થયો હતો, જેમાં એક વ્‍યક્‍તિનું મોત થયું હતું અને ઘણા લોકો ઘાયલ થયા હતા. બાંગ્‍લાદેશ આર્મીની મીડિયા વિંગ, ઇન્‍ટર-સર્વિસિસ પબ્‍લિક રિલેશન્‍સ (ISPR) એ માહિતી આપી હતી કે આ હુમલો નજીકના સમિતિ પારા વિસ્‍તારના કેટલાક બદમાશો દ્વારા કરવામાં આવ્‍યો હતો. ઘટના બાદ, સેનાએ તાત્‍કાલિક જવાબદારી સંભાળી અને ઘાયલોને હોસ્‍પિટલમાં દાખલ કર્યા.

કોક્‍સ બજારના ડેપ્‍યુટી કમિશનર મોહમ્‍મદ સલાહુદ્દીને જણાવ્‍યું હતું કે આ ઘટના બપોરે ૧૨ વાગ્‍યાની આસપાસ બની હતી. સ્‍થાનિક મીડિયા અનુસાર, આ હુમલો બે પક્ષો વચ્‍ચેના અથડામણને કારણે થયો હતો. કોક્‍સ બજાર જિલ્લા સદર હોસ્‍પિટલ પોલીસ બોક્‍સના ઇન્‍ચાર્જ સૈફુલ ઇસ્‍લામે જણાવ્‍યું હતું કે અથડામણમાં શિહાબ કબીર નામના વેપારીને ગોળી વાગી હતી.

હુમલા બાદ, બાંગ્‍લાદેશી સેનાએ વિસ્‍તારને ઘેરી લીધો હતો અને કોઈને પણ ઘટનાસ્‍થળની નજીક જવા દીધા ન હતા. સુરક્ષા એજન્‍સીઓ હુમલાખોરોને ઓળખવાનો અને તેમના હેતુ શોધવાનો -યાસ કરી રહી છે. વહીવટીતંત્રે લોકોને શાંતિ જાળવવા અપીલ કરી છે.

આજતકના અહેવાલ મુજબ, મૃતકની ઓળખ ૩૦ વર્ષીય શાહિહાબ કબીર તરીકે થઈ છે. અથડામણ દરમિયાન તેને ગોળી વાગી હતી. આ ઘટના બપોરના સુમારે બની હતી અને બાદમાં તે વ્‍યક્‍તિને હોસ્‍પિટલમાં મૃત જાહેર કરવામાં આવ્‍યો હતો.