ઓસ્કાર એવોર્ડ ૨૦૨૫ : અનોરા બેસ્ટ ફિલ્મ : એડ્રિયન બ્રોડી મિકી મેડિસન બેસ્ટર એકટર : ‘અનુજા'ને ઓસ્કાર નહિ
લોસ એન્જલસના ડોલ્બી થિયેટરમાં યોજાયો ભવ્ય સમારંભ : હોસ્ંિટગ કોનન ઓ'બ્રાયને કર્યુ ‘અનોરા' ફિલ્મનો દબદબો : પાંચ ઓસ્કાર જીત્યા : ‘ધ બ્રુટાલિસ્ટ' ફિલ્મને ૩ અને ‘ડયૂન પાર્ટ-૧' એ ૨ એવોર્ડ જીત્યા
નવી દિલ્હી, તા.૩: ૯૭મા એકેડેમી એવોર્ડ્સ એટલે કે ઓસ્કાર ૨૦૨૫ની શરૂઆત ખૂબ જ ધામધૂમથી થઈ. આ વખતે એકેડેમી એવોર્ડ્સ કોનન ઓબ્રાયન દ્વારા હોસ્ટ કરવામાં આવ્યા હતા. પહેલી વાર તેમણે ઓસ્કાર એવોર્ડ્સનું સંચાલન સંભાળ્યું. આ કાર્યક્રમમાં હોલીવુડ સ્ટાર્સનો ગ્લેમર જોવા મળ્યો. ફિલ્મ અનોરા હિટ રહી, તેણે ૫ એવોર્ડ જીત્યા. એડ્રિયન બ્રોડી શ્રેષ્ઠ અભિનેતા બન્યા અને માઇકી મેડિસન શ્રેષ્ઠ અભિનેત્રીનો એવોર્ડ જીત્યા.
ઓસ્કાર એવોર્ડ્સમાં અનોરાએ ૫ એવોર્ડ જીત્યા. તેની નાયિકા મિકી મેડિસન શ્રેષ્ઠ અભિનેત્રી બની. આ ફિલ્મે શ્રેષ્ઠ સંપાદન, શ્રેષ્ઠ દિગ્દર્શક, શ્રેષ્ઠ ફિલ્મ, શ્રેષ્ઠ મૂળ પટકથા માટેના પુરસ્કારો જીત્યા. ફિલ્મના દિગ્દર્શક સીન બેકર આ સફળતાથી ખૂબ જ ખુશ છે.
‘અનુજા' શ્રેષ્ઠ લાઇવ એક્શન શોર્ટ ફિલ્મ કેટેગરીમાં એવોર્ડ જીતવાથી ચૂકી ગઈ. તે એડમ ગ્રેવ્સ દ્વારા બનાવવામાં આવ્યું હતું. પ્રિયંકા ચોપરા અને ગુનીત મોંગા આ ફિલ્મ સાથે સહ-નિર્માતા તરીકે સંકળાયેલા છે. અનુજા એક ૯ વર્ષની છોકરીની વાર્તા છે જે એક ફેક્ટરીમાં કામ કરે છે. અનુજાનું પાત્ર સજદા પઠાણ ભજવી રહી છે. તે ખરેખર બાળ મજૂરી કરતી હતી. તેમને ‘સલામ બાલક ટ્રસ્ટ' નામની NGO દ્વારા બચાવી લેવામાં આવ્યા હતા. સજદાને ભણવાની અને લખવાની તક આપી.
શ્રેષ્ઠ સહાયક અભિનેતાનો એવોર્ડ જીતવાની રેસમાં કિરન કલ્કિને એડવર્ડ નોર્ટન, યુરા બોરીસોવ, ગાય પીયર્સ અને જેરેમી સ્ટ્રોંગને હરાવ્યા. એવોર્ડ જીત્યા પછી તેમણે બધાનો આભાર માન્યો. તેમણે પોતાના પરિવારની પ્રશંસા કરતા, તેમના સમર્થન બદલ આભાર વ્યક્ત કર્યો.
એવોર્ડ જીત્યા પછી જોય ભાવુક થઈ ગયો. સ્ટેજ પર આવીને તેમણે ફિલ્મના કલાકારો, ક્રૂ અને પરિવારનો આભાર માન્યો.
શ્રેષ્ઠ ફિલ્મ - અનોરા શ્રેષ્ઠ અભિનેતા - એડ્રિયન બ્રોડી (ધ બ્રુટાલિસ્ટ) શ્રેષ્ઠ અભિનેત્રી - માઇકી મેડિસન (અનોરા)
શ્રેષ્ઠ દિગ્દર્શક - સીન બેકર (અનોરા)
શ્રેષ્ઠ મેકઅપ અને હેરસ્ટાઇલ - ધ સબસ્ટન્સ શ્રેષ્ઠ અનુકૂલિત પટકથા - કોક્ર્લેવ શ્રેષ્ઠ મૂળ પટકથા - અનોરા શ્રેષ્ઠ એનિમેટેડ ફિલ્મ - ફ્લો શ્રેષ્ઠ એનિમેટેડ શોર્ટ ફિલ્મ - ઇન ધ શેડો ઓફ ધ સાયપ્રસ શ્રેષ્ઠ કોસ્ચ્યુમ ડિઝાઇન - પોલ ટેઝવેલ (વિકેડ) શ્રેષ્ઠ ફિલ્મ એડિટિંગ - અનોરા (સીન બેકર) શ્રેષ્ઠ પ્રોડક્શન ડિઝાઇન - વિકેડ શ્રેષ્ઠ મૂળ ગીત - એલ માલ (એમિલિયા પેરેઝ) શ્રેષ્ઠ દસ્તાવેજી ટૂંકી ફિલ્મ - ધ ઓન્લી ગર્લ ઇન ધ ઓર્કેસ્ટ્રા શ્રેષ્ઠ દસ્તાવેજી ફીચર ફિલ્મ - નો અધર લેન્ડ શ્રેષ્ઠ અવાજ - ડયુનઃ ભાગ બે શ્રેષ્ઠ લાઈવ એક્શન શોર્ટ ફિલ્મ - આઈ એમ નોટ અ રોબોટ શ્રેષ્ઠ આંતરરાષ્ટ્રીય ફીચર ફિલ્મ - આઈ એમ સ્ટિલ હીયર (બ્રાઝિલ) શ્રેષ્ઠ સિનેમેટોગ્રાફી - ધ બ્રુટાલિસ્ટ શ્રેષ્ઠ મૂળ સ્કોર - ધ બ્રુટાલિસ્ટ.
(1:58 PM IST)
છેલ્લા 8 દિવસમાં સૌથી લોકપ્રિય 
