અમેરિકાના રાષ્ટ્રપતિ ડોનાલ્ડ ટ્રમ્પે પોતાની એક પોસ્ટથી વિશ્વમાં હલચલ મચાવી દીધી છે. સોશિયલ મીડિયા પ્લેટફોર્મ ટ્રુથ પરની પોસ્ટમાં કહેવામાં આવ્યું છે કે, આવતીકાલની રાત મોટી થવાની છે. હું તમને તેના વિશે બરાબર કહીશ. આ પોસ્ટ બાદ આખી દુનિયામાં જોરદાર ચર્ચા થઈ રહી છે કે શું ટ્રમ્પે યુક્રેનના રાષ્ટ્રપતિ ઝેલેન્સકી સામે બદલો લેવાની તૈયારી કરી લીધી છે કે પછી પુતિન સાથે મુલાકાત કરીને તેઓ કોઈ નવો ‘ધડાકો’ કરવાના છે?  

આ પોસ્ટના એક કલાક પહેલા ડોનાલ્ડ ટ્રમ્પે અન્ય એક પોસ્ટ કરી હતી. આમાં તેમણે કહ્યું કે, એક માત્ર એવા રાષ્ટ્રપતિ છે જેમણે રશિયાને યુક્રેનની કોઈ જમીન નથી આપી તે રાષ્ટ્રપતિ ડોનાલ્ડ ટ્રમ્પ છે. યાદ રાખો કે જ્યારે નબળા અને બિનઅસરકારક ડેમોક્રેટ્સ ટીકા કરે છે, ત્યારે ફેક ન્યૂઝ ખુશીથી તેઓ જે કહે છે તે બધું જ ટ્રમ્પેટ્સ કરે છે!

ધ ન્યૂ યોર્ક ટાઈમ્સના અહેવાલોમાં જણાવ્યા અનુસાર, ટ્રમ્પ યુક્રેનને યુએસ સૈન્ય સહાય રદ કરવા અંગે ચર્ચા કરવા માટે તેમના સહયોગીઓ સાથે મુલાકાત કરશે. આ મદદ અગાઉના જો બાઈડનના વહીવટ દરમિયાન ફાળવવામાં આવી હતી. ટ્રમ્પ એડમિનિસ્ટ્રેશનના એક અધિકારીએ જણાવ્યું હતું કે, અમેરિકાના રાષ્ટ્રપતિ યુક્રેન માટે ઘણા નવા વિકલ્પો પર વિચારણા કરવા અને અન્ય વધુ પગલાં લેવા માટે વિદેશ સચિવ માર્કો રુબિયો અને સંરક્ષણ સચિવ પીટ હેગસેથ સહિતના અધિકારીઓ સાથે મુલાકાત કરશે.

શુક્રવારે યુક્રેનના રાષ્ટ્રપતિ ઝેલેન્સકી સાથેની મીટિંગ અને ચર્ચા બાદ ટ્રમ્પે આ પોસ્ટ કરી છે ‘કાલની રાત ખૂબ મોટી હશે. અમેરિકાના રાષ્ટ્રપતિની ઓવલ ઓફિસમાં બંને નેતાઓ વચ્ચે મુલાકાત થઈ હતી. બંને વચ્ચે ઉગ્ર બોલાચાલી થઈ હતી. આ બધું થયું કારણ કે ઝેલેન્સકીએ કરાર પર હસ્તાક્ષર કરવાનો ઇનકાર કર્યો હતો. તેમણે પુતિનની પણ ટીકા કરી હતી.

આ ઘટના બાદ ઘણા દેશો ઝેલેન્સકીના સમર્થનમાં આવ્યા. આ કડીમાં બ્રિટિશ વડાપ્રધાન સ્ટ્રોમરનું નામ પણ છે. ઝેલેન્સકીને મળ્યા બાદ તેમણે કહ્યું હતું કે તેમને દેશનો અતૂટ સમર્થન છે. લંડનમાં ઝેલેન્સ્કી અને સ્ટોર્મર વચ્ચે મીટિંગ પણ થઈ હતી. સ્ટ્રોમરે ઝેલેન્સકીને કહ્યું કે તમે આવતા હશો ત્યારે શેરીમાં સૂત્રોચ્ચાર સાંભળ્યા હશે, તમને સમગ્ર બ્રિટનમાં સંપૂર્ણ સમર્થન છે.

તેમણે કહ્યું, અમે તમારી સાથે ઊભા છીએ. યુદ્ધમાં કેટલો સમય લાગે તે મહત્વનું નથી. આના પર ઝેલેન્સકીએ તેમનો અને બ્રિટનના લોકોનો તેમના સમર્થન આપવા અને મિત્રતા માટે આભાર માન્યો હતો