૩૬૦ અને ૨૫૦ વર્ષની વયના નાગરિકો પેન્શન અને ભથ્થાના પૈસા હડપ કરી રહ્યા છે!
ટ્રમ્પે અમેરિકન ભ્રષ્ટાચારની અજબ ગજબનું કારસ્તાન જણાવ્યુ
આપણા દેશમાં ૧૦૩૯ લોકો એવા છે જેમની ઉંમર ૨૨૦ થી ૨૨૯ વર્ષની વચ્ચે છે, તેમણે કહ્યું કે આપણી પાસે ૨૪૦ અને ૨૪૯ વર્ષના લોકો પણ છે અને એક એવો વ્યક્તિ છે જેની ઉંમર ૩૬૦ વર્ષ છે, આ માણસનો જન્મ આપણા દેશની રચનાના ૧૦૦ વર્ષ પહેલાં થયો હતો, પરંતુ તેમને હજુ પણ તેમનો સામાજિક સુરક્ષા ચેક મળી રહ્યો છે, તે સરકારી નાણાંની ઉચાપત કરી રહ્યો છેઃ ટ્રમ્પ
વોશીંગ્ટન, તા.૫: સામાજિક સુરક્ષા વ્યવસ્થામાં રહેલી ખામીઓ આપણા દેશને નુકસાન પહોંચાડી રહી છે. અમારી પાસે એક ૩૬૦ વર્ષનો વળદ્ધ માણસ છે જે સામાજિક સુરક્ષા વ્યવસ્થાનો લાભ લઈ રહ્યો છે. એનો અર્થ એ થયો કે આધુનિક અમેરિકાની રચનાના ૧૦૦ વર્ષ પહેલાં જન્મેલી વ્યક્તિ સામાજિક સુરક્ષાનો લાભ લઈ રહી છે.
૧ લાખ ૩૦ હજાર લોકો એવા છે જેમની ઉંમર ૧૬૦ વર્ષથી વધુ છે. તેમને સામાજિક સુરક્ષા ચેક મળી રહ્યા છે, ૧૩ લાખ લોકો એવા છે જેમની ઉંમર ૧૫૦ થી ૧૫૯ વર્ષની છે અને તેઓને સામાજિક સુરક્ષા ચેક મળી રહ્યા છે.
અમેરિકી સંસદના સંયુક્ત સત્રને સંબોધિત કરતી વખતે, રાષ્ટ્રપતિ ડોનાલ્ડ ટ્રમ્પે વિશ્વના સૌથી શક્તિશાળી દેશમાં પ્રવર્તતા ભ્રષ્ટાચારનો પર્દાફાશ કર્યો. ટ્રમ્પે સમજાવ્યું કે કેવી રીતે યુ.એસ.માં સરકારી નાણાં ખાઈ રહ્યા છે અને કેવી રીતે ૩૬૦ વર્ષ, ૨૦૦ વર્ષ અને ૧૬૦ વર્ષની વયના અભૂતપૂર્વ અમેરિકનો સામાજિક સુરક્ષા યોજનાના પેન્શન અને અન્ય લાભોનો લાભ લઈ રહ્યા છે.
અમેરિકાની સામાજિક સુરક્ષા વ્યવસ્થા એક સામાજિક વીમાની જેમ કામ કરે છે, જે જીવનના મુશ્કેલ સમયમાં લોકોને નાણાકીય સહાય પૂરી પાડે છે.
તે પરિવારોને નિવળત્તિ, અપંગતા, ફુગાવા અને મળત્યુ સામે રક્ષણ પૂરું પાડે છે, લાખો અમેરિકનોના જીવનની ગુણવત્તામાં સુધારો કરે છે. તે દેશની સામાજિક કલ્યાણ વ્યવસ્થાનો એક મહત્વપૂર્ણ ભાગ છે.
યુએસ સામાજિક સુરક્ષા વ્યવસ્થા એક સંઘીય સરકારનો કાર્યક્રમ છે. તેનો અર્થ એ કે તેની દેખરેખ અને અમલ ત્યાંની સંઘીય (ભારતીય અર્થમાં કેન્દ્રિય) સરકાર દ્વારા કરવામાં આવે છે.
૯૨૯ના મહામંદીમાંથી લોકોને બચાવવા માટે રાષ્ટ્રપતિ ફ્રેન્કલિન ડી. રૂઝવેલ્ટના નવા કરાર હેઠળ ૧૯૩૫માં તેની શરૂઆત કરવામાં આવી હતી.
આ સિસ્ટમનો લાભ લેવા માટે, નોકરી કરતા લોકોએ તેમના પગારનો એક ભાગ આ ભંડોળમાં ફાળો આપવો પડશે. પરંતુ ભારતમાં સરકારી કાર્યક્રમોની જેમ, આ વ્યવસ્થામાં પણ ગંભીર ભ્રષ્ટાચાર છે.
ટ્રમ્પે પોતાના સંબોધનમાં આ તરફ ધ્યાન દોર્યું અને તેને દૂર કરવાની વાત કરી.
ટ્રમ્પે કહ્યું, એવા ૧૩ લાખ લોકો છે જેમની ઉંમર ૧૫૦ થી ૧૫૯ વર્ષની છે અને તેઓ સામાજિક સુરક્ષાનો લાભ લઈ રહ્યા છે, ૧ લાખ ૩૦ હજાર લોકો છે જેમની ઉંમર ૧૬૦ વર્ષથી વધુ છે અને તેઓ સામાજિક સુરક્ષા ચેક એકત્રિત કરી રહ્યા છે.
ગળહને સંબોધન કરતી વખતે, ટ્રમ્પે કહેવાતા લાંબા આયુષ્ય ધરાવતા લોકોનો ઉલ્લેખ કરીને કટાક્ષ કર્યો કે આપણો દેશ અપેક્ષા કરતાં વધુ સ્વસ્થ છે. ટ્રમ્પના આ નિવેદન પર ગળહમાં ખૂબ તાળીઓનો ગડગડાટ થયો.
રાષ્ટ્રપતિ ટ્રમ્પ સામાજિક સુરક્ષા વ્યવસ્થામાં પ્રવર્તતા ભ્રષ્ટાચારની ચર્ચા કરીને અહીં જ અટકયા નહીં. તેમણે કહ્યું કે આપણા દેશમાં ૧૦૩૯ લોકો એવા છે જેમની ઉંમર ૨૨૦ વર્ષથી ૨૨૯ વર્ષની વચ્ચે છે. તેમણે કહ્યું કે આપણી પાસે ૨૪૦ અને ૨૪૯ વર્ષના લોકો પણ છે. અને એક એવો વ્યક્તિ છે જેની ઉંમર ૩૬૦ વર્ષ છે. આ માણસનો જન્મ આપણા દેશની રચનાના ૧૦૦ વર્ષ પહેલાં થયો હતો. પરંતુ તેમને હજુ પણ તેમનો સામાજિક સુરક્ષા ચેક મળી રહ્યો છે. તે સરકારી નાણાંની ઉચાપત કરી રહ્યો છે.
તમને જણાવી દઈએ કે અમેરિકાના સામાજિક સુરક્ષા ભંડોળને ફેડરલ ઇન્શ્યોરન્સ કોન્ટ્રીબ્યુશન એક્ટ હેઠળ સરકારી ફાળો મળે છે. આ ઉપરાંત, દરેક કાર્યકારી વ્યક્તિ પોતાના પગારના ૬.૨ ટકા સામાજિક સુરક્ષા માટે ફાળો આપે છે અને તેના નોકરીદાતા પણ એટલી જ રકમનું યોગદાન આપે છે. જે લોકો પોતાની નોકરી કે વ્યવસાય કરે છે તેમણે સમગ્ર ૧૨.૪ ટકાનું યોગદાન જાતે આપવું પડશે.
(4:22 PM IST)
છેલ્લા 8 દિવસમાં સૌથી લોકપ્રિય 
