મેરઠ, તા.૧૧: યુપીના મેરઠ જિલ્લામાં લગ્નનો મુદ્દો ચર્ચાનો વિષય બન્‍યો છે. જ્‍યાં ત્રણ બાળકોની માતા દૂધવાળા સાથે પ્રેમમાં પડી હતી. પછી તેણે લગ્ન પણ કરી લીધા અને તેની સાથે રહેવા પણ લાગી. ત્રણ બાળકોની માતાનો આરોપ છે કે તેનો પતિ દારૂ પીને તેની સાથે મારપીટ કરે છે. મહિલાએ તેના પતિ સાથે રહેવાની ના પાડી દીધી અને કહ્યું કે તેણે દૂધવાળા સાથે લગ્ન કર્યા છે અને તેની સાથે રહેવાનું જણાવ્‍યું. સોમવારે મેરઠ પોલીસ સ્‍ટેશનમાં કલાકો સુધી આ અંગે ફેમિલી ડ્રામા ચાલ્‍યો હતો.

મળતી માહિતી મુજબ, મહિલાએ જે યુવકની સાથે તે રહેતી હોવાનું જણાવ્‍યું હતું, તે તેના ઘરે દૂધ વેચવા આવતો હતો. આ દરમિયાન બંને પ્રેમમાં પડ્‍યા હતા. મામલો મુઝફ્‌ફરનગરના શેરપુર વિસ્‍તારનો છે. અહીં રહેતી મહિલાના લગ્ન ૧૧ વર્ષ પહેલા મવાના વિસ્‍તારના યુવક સાથે થયા હતા. બંનેને ત્રણ બાળકો પણ છે. મહિલાના જણાવ્‍યા મુજબ તેનો પતિ દારૂ પીધા બાદ તેની સાથે મારપીટ પણ કરતો હતો.

રવિવારે પણ પતિએ મહિલાને માર માર્યો હતો. જેની મહિલાએ પોલીસમાં ફરિયાદ કરી હતી. મહિલાની ફરિયાદના આધારે પોલીસે પતિ સામે શાંતિ ભંગ બદલ દંડ ફટકાર્યો હતો. જામીન મળ્‍યા બાદ યુવક ઘરે પહોંચ્‍યો ત્‍યારે તેની પત્‍ની ગાયબ હતી. સોમવારે યુવક અને તેના પતિના પરિવારજનોએ મવાના પોલીસમાં ફરિયાદ નોંધાવી હતી. આ તમામ વાતો વચ્‍ચે મહિલા પોલીસ સ્‍ટેશને આવે છે અને તેના પતિ પર મારપીટનો આરોપ લગાવીને હંગામો મચાવે છે.

મહિલાએ પોલીસ સ્‍ટેશનમાં એમ પણ જણાવ્‍યું કે તે દૂધ વેચવા આવતા યુવક સાથે પ્રેમમાં હતી. તેણીએ એ પણ જણાવ્‍યું કે તેણે તેની સાથે લગ્ન પણ કરી લીધા છે. બંને વચ્‍ચે દોઢ વર્ષથી પ્રેમસંબંધ ચાલતો હતો. બંનેએ સ્‍વેચ્‍છાએ મંદિરમાં લગ્ન કર્યા. આ બાબતે મોડી સાંજ સુધી પોલીસ સ્‍ટેશનમાં હોબાળો થયો. સાંજે મહિલા પ્રેમી સાથે જતી રહી હતી. આ મામલો સમગ્ર વિસ્‍તારમાં ચર્ચાનો વિષય બન્‍યો છે. (રર.૧૪)