ચીની વૈજ્ઞાનિકોએ સ્ટ્રોક, હાર્ટ એટેકની વેક્સિનની શોધ કરી
આ રસીની મદદથી, ધમનીઓમાં પ્લેકની રચનાને અટકાવી શકાય છે, જે લોહી ગંઠાઈ જવા, હાર્ટ એટેક અને સ્ટ્રોકનું કારણ બની શકે છે
નવી દિલ્હી તા.૧૩: વિશ્વભરમાં હદયની બીમારી ઝડપથી વધી રહી છે. એનાથી થતા સૌથી વધુ મોત ભારતમાં થાય છે. દેશમાં થનારા કુલ મોતોમાંથી દરેક ત્રણમાંથી એક વ્યક્તિ હદયરોગનો દર્દી હોય છે. એ દરમ્યાન ચીની વૈજ્ઞાનિકોએ એક એવી રસી બનાવી છે જે સ્ટ્રોક અને હાર્ટ એટેકને અટકાવી શકે છે. આ રસીની મદદથી, ધમનીઓમાં પ્લેકની રચનાને અટકાવી શકાય છે, જે લોહી ગંઠાઈ જવા, હાર્ટ એટેક અને સ્ટ્રોકનું કારણ બની શકે છે. આને એથરોસ્ક્લેરોસિસ અથવા ધમનીઓમાં ફેટી પ્લેકના નિર્માણ તરીકે જાણવામાં આવે છે. બળતરા ધમનીઓને સખત બનાવે છે, જે રક્ત પ્રવાહને અવરોધે છે અને જીવલેણ રોગો તરફ દોરી શકે છે. અમેરિકન હાર્ટ એસોસિએશન અનુસાર દર ૩૪ સેકન્ડે એક વ્યક્તિ હૃદયરોગથી મળત્યુ પામે છે. આ જ કારણ છે કે સ્ટ્રોક અને હાર્ટ એટેકને રોકવા માટે ચીની વૈજ્ઞાનિકો દ્વારા વિકસાવવામાં આવેલી રસીને ખૂબ જ મહત્વપૂર્ણ માનવામાં આવી રહી છે, કારણ કે જો તે સફળ થાય તો હૃદયરોગથી થતા મળત્યુ ઘટાડી શકાય છે. નેચર કોમ્યુનિકેશન્સ જર્નલમાં પ્રકાશિત થયેલા એક નવા અભ્યાસમાં એક રસીનું વર્ણન કરવામાં આવ્યું છે જે ઉંદરોમાં એથરોસ્ક્લેરોસિસના વિકાસને ઘટાડી શકે છે. અમારી નેનોવેક્સિન ડિઝાઇન અને પ્રીક્લિનિકલ ડેટા એથરોસ્ક્લેરોસિસ માટે સંભવિત સારવાર સૂચવે છે, એમ ચીનની નાનજિંગ યુનિવર્સિટી ઓફ સાયન્સ એન્ડ ટેકનોલોજીના સંશોધકોએ લખ્યું છે. અગાઉના ઘણા અભ્યાસોએ વિવિધ પ્રોટીનની ડિજિટલ લાઇબ્રેરી પણ બનાવી છે, જે બળતરા અટકાવે છે અને એથરોસ્ક્લેરોસિસ પ્રત્યે શરીરની રોગપ્રતિકારક શક્તિ વધારવામાં મદદ કરે છે. આ પ્રોટીનમાં ષ્ટ૨૧૦ હોય છે, જે એથરોસ્ક્લેરોસિસ સામે રોગપ્રતિકારક પ્રતિભાવને ઉત્તેજિત કરે છે, અને તે જ રસી છે જેનો ઉપયોગ નવી રસી માનવોમાં કરવાનો છે.
(4:08 PM IST)
છેલ્લા 8 દિવસમાં સૌથી લોકપ્રિય 
