નવી દિલ્હી :ભારતીય અવકાશ એજન્સી ISRO એ ગુરુવારે SpadeX ઉપગ્રહોનું ડી-ડોકિંગ પૂર્ણ કર્યું. આ પછી, ચંદ્રયાન-4, ગગનયાન, અવકાશ મથકની સ્થાપના અને ચંદ્ર પર અવકાશયાત્રીઓના ઉતરાણ સહિત ભારતના ઘણા મિશન માટે માર્ગ મોકળો થયો છે. ઇસરોએ X પર ડી-ડોકના બે વીડિયો પણ શેર કર્યા છે. આ વીડિયોમાં, ઉપગ્રહ પૃથ્વીની ભ્રમણકક્ષામાં ડી-ડોક થઈ રહ્યો છે તે જોઈ શકાય છે. "SDX-1 અને SDX-2 બંનેમાંથી સ્પેડેક્સ અનડોકિંગ કેપ્ચર થયું," તેમ પોસ્ટમાં લખ્યું હતું.

વિજ્ઞાન અને ટેકનોલોજી રાજ્યમંત્રી જિતેન્દ્ર સિંહે તેને "અવિશ્વસનીય ડી-ડોકિંગ" ગણાવ્યું. "સ્પેડએક્સ ઉપગ્રહે એક અદ્ભુત ડી-ડોકિંગ પૂર્ણ કર્યું. આ ભારતીય અવકાશ મથક, ચંદ્રયાન 4 અને ગગનયાન સહિતના ભવિષ્યના મહત્વાકાંક્ષી મિશનના સરળ સંચાલન માટે માર્ગ મોકળો કરશે," જીતેન્દ્ર સિંહે X પર લખ્યું. "ઇસરો ટીમને અભિનંદન. આ દરેક ભારતીય માટે આનંદની વાત છે. વડા પ્રધાન નરેન્દ્ર મોદીનું સતત સમર્થન ઉત્સાહમાં વધારો કરતું રહે છે."
ગત વર્ષે 30 ડિસેમ્બરે આંધ્રપ્રદેશના શ્રીહરિકોટા લોન્ચ સાઇટથી સ્પેડેક્સ મિશન લોન્ચ કરવામાં આવ્યું હતું. ત્યારબાદ ISRO એ અવકાશમાં ડોકીંગ પ્રયોગો દર્શાવવા માટે બે ઉપગ્રહો - SDX01 અને SDX02 ને ભ્રમણકક્ષામાં લોન્ચ કર્યા. આ પછી, અવકાશ એજન્સીએ 16 જાન્યુઆરીના રોજ 220 કિલો વજનના બંને ઉપગ્રહોને સફળતાપૂર્વક સ્થાપિત કર્યા. રશિયા, અમેરિકા અને ચીન પછી આ સિદ્ધિ મેળવનાર ભારત ચોથો દેશ બન્યો.