નવી દિલ્હી: કેન્દ્રીય ગૃહમંત્રી અમિતભાઈ શાહે ડ્રગ માફિયાઓ સામે કડક કાર્યવાહીની ચીમકી આપી છે. રવિવારે ઈમ્ફાલ અને ગુવાહાટી વિસ્તારમાંથી ₹88 કરોડની કિંમતના મેથામ્ફેટામાઈન ટેબ્લેટ્સનો જથ્થો ઝડપી પાડવામાં આવ્યો અને આંતરરાષ્ટ્રીય ડ્રગ કાર્ટેલના ચાર સભ્યોની ધરપકડ કરવામાં આવી. શાહે આ સફળતા માટે નાર્કોટિક્સ કંટ્રોલ બ્યુરો (NCB)ને અભિનંદન પાઠવ્યા છે.

ગૃહમંત્રીએ X પર લખ્યું, "ડ્રગ કાર્ટેલને કોઈ રહેમ નહીં. મોદી સરકારના ડ્રગ-મુક્ત ભારતના સંકલ્પને વેગ આપતાં, ₹88 કરોડના મેથ ટેબ્લેટ્સ ઝડપાયા અને ચાર આરોપીઓ પકડાયા." તેમણે વધુમાં જણાવ્યું કે, આ કાર્યવાહી નીચેથી ઉપર અને ઉપરથી નીચે સુધીની તપાસની અનોખી પદ્ધતિનું પરિણામ છે.

બીજી તરફ, કેરળમાં યુવાનોમાં મેથામ્ફેટામાઈનનું ચલણ ગાંજાને પણ પાછળ છોડી રહ્યું હોવાનું જણાય છે, જે ચિંતાનો વિષય બન્યો છે. મોદી સરકારે ડ્રગ્સ વિરુદ્ધની આ લડાઈને વધુ તીવ્ર કરવાનું વચન આપ્યું છે.