મુંબઈની એક ટીવી એક્ટ્રેસે તેની કો-સ્ટાર પર છેડતીનો ગંભીર આરોપ લગાવ્યો છે. અભિનેત્રીએ દાવો કર્યો છે કે હોળી પાર્ટી દરમિયાન તેની છેડતી કરવામાં આવી હતી.

  આરોપીએ કહ્યું કે તેના કો-સ્ટાર (અભિનેતા)એ હોળીના અવસર પર તેને અયોગ્ય રીતે સ્પર્શ કર્યો હતો. આ મામલે અભિનેત્રીએ મુંબઈના અંબોલી પોલીસ સ્ટેશનમાં ફરિયાદ નોંધાવી છે.

  અભિનેત્રીએ જણાવ્યું કે તેનો એક સાથીદાર નશામાં હતો અને તેના પર બળજબરીથી રંગ લગાવી રહ્યો હતો. અભિનેત્રીએ કહ્યું કે આરોપીએ તેના ગાલ પર બળજબરીથી રંગ લગાવ્યો અને કહેવા લાગ્યો, હું તને પ્રેમ કરું છું અને હું જોઈશ કે તને મારાથી કોણ બચાવશે. કંપની દ્વારા આયોજીત ટેરેસ પર આ ઈવેન્ટ યોજાઈ રહી હતી. આ પાર્ટીમાં અનેક લોકોએ હાજરી આપી હતી.

   પીડિતાની ફરિયાદ બાદ પોલીસે ટીવી એક્ટર વિરુદ્ધ BNSની કલમ 75(1) હેઠળ કેસ નોંધ્યો છે. પોલીસે આરોપીનું નિવેદન પણ લીધું છે. તમને જણાવી દઈએ કે હોળી દરમિયાન ફિલ્મ ઈન્ડસ્ટ્રીમાં મોટા પાયે પાર્ટીઓ યોજાય છે. આરોપીને પૂછપરછ માટે પોલીસ સ્ટેશન બોલાવવામાં આવ્યો છે.