ભારતીય કોર્પોરેટ્સમાં પ૭ ટકા પુરૂષોમાં વિટામિન બી-૧૨ની ઉણપ
ડિજીટલ હેલ્થકેર પ્લેટફોર્મ મેડીબડ્ડી દ્વારા કુલ ૪૪૦૦ વ્યકિતઓ ઉપર કરાયો સર્વે સર્વેમાં ૧૦પ૯ મહિલાઓનો સમાવેશઃ તેમાં પણ બી-૧ર ઓછુઃ અપુરતી ઉંઘ, સ્ટ્રેસ સહિતના કારણો
નવી દિલ્હી, તા. ૧૭: આજે ઘર ચલાવવાના ખર્ચાઓ, જવાબદારી તેમજ ઇએમઆઇ ચૂકવવાની લ્હાયમાં અનેક લોકોને કમાણી પાછળ આંધળી દોટ લગાવવી પડે છે. આ પરિસ્થિતિમાં અનેક લોકોને પૂરતી ઊંઘ મળતી નથી જેની અસર તેમના કામ પર પડે છે અને સમય જતા તેનું વિપરીત પરિણામ આવે છે.
એક સર્વે હાથ ધરવામાં આવ્યો હતો. જેમાં લગભગ ૫૭ ટકા પુરુષ ભારતીય કોર્પોરેટ્સ વિટામિન બી-૧૨ની ખામીથી પીડાતા હોવાનું બહાર આવ્યુ છે, જે વિટામીન બી-૧૨ની ખામી હોવાનું દર્શાવે છે.
ડિજીટલ હેલ્થકેર પ્લેટફોર્મ મેડીબડ્ડી દ્વારા હાથ ધરાયેલા આ સર્વેમાં જણાવ્યુ હતુ કે વિટામિન બી-૧૨ શરીરમાં ઊર્જા અને મગજની પ્રવળત્તિ માટે મહત્ત્વનું પોષક તત્ત્વ છે. આ અભ્યાસમાં ૪,૪૦૦ વ્યક્તિઓને આવરી લેવાયા હતા. તેમા ૩,૩૩૮ પુરુષો અને ૧,૦૫૯ મહિલા કોર્પોરેટ કર્મચારી હતા. મહિલાઓમાં પણ આ પ્રમાણ ૫૭ ટકા સુધીનું જોવા મળ્યું છે. આથી દર વર્ષે વિટામિન બી-૧૨નો ટેસ્ટ કરાવવો જરૂરી છે. કોર્પોરેટ પ્રોફેશનલ્સ તેમના અત્યંત વ્યસ્ત શેડ્યુલ, ઊંચા સ્ટ્રેસ લેવલ તથા ખાવાની અયોગ્ય ટેવોના પગલે કેટલીય વખત પૂરતા પોષણવાળો આહાર લેતા નથી.
ઉપરાંત ઊંઘ પૂરી ન થવાનું કારણ અડધી રાતે વોશરૂમ જવું પડે છે તે છે, ૭૨ ટકા લોકોએ આ કારણ જણાવ્યું છે. અન્ય કારણોમાં અનિયમિત દિનચર્યા, શોરબકોર, મચ્છરોથી હેરાનગતિ તેમજ સાથી કે બાળકોના કારણે ઊંઘ તૂટવી તે મુખ્ય કારણ છે. અપૂરતી ઊંઘ કેટલાય રોગને આમંત્રણ આપે છે. તેનાથી ફક્ત થાક અને ડાર્ક સર્કલ્સ જ થતાં નથી, પરંતુ તેની ગંભીર અને દીર્ઘકાલીન અસર થાય છે. અપૂરતી ઊંઘના કારણે કર્મચારીની કાર્યક્ષમતા પર પણ અસર પડી રહી છે.
ડાયેટિશિયનનું કહેવું છે કે વિટામિન બી-૧૨ એનિમલ પ્રોડક્ટ્સમાંથી મળે છે અને તેથી મોટાભાગના શાકાહારીઓમાં આ વિટામિનની ઉણપ જોવા મળે છે. આ ઉપરાંત વઘુ પડતું પ્રોસેસ્ડ કરેલું ફૂડ, આલ્કોહોલ અને વઘુ પડતા કેફિનના કારણે વિટામિન બી-૧૨ની શરીરમાં શોષાવવાની ક્ષમતામાં ઘટાડો થાય છે. તેની ખામીના લીધે શરીરમાં થાક લાગે છે.
(4:34 PM IST)
છેલ્લા 8 દિવસમાં સૌથી લોકપ્રિય 
